གསར་སྤེལ་ཟིན་བྲིས།

གཟའ་ཟླ་བ།, 13 /07/ 2015 09:38

མདུན་ཐད་དུ་བལྟས་པ།

ཟིན་བྲིས་པ། 
ཀློག་པ་པོས་རྩོམ་ཡིག་ལེགས་འདེམས་བྱེད་གནས།
(0 འོས་གྲངས།)
སྤྲིན་དཀར་དུམ་བུ་མགུལ་དུ་འདོགས་པ་གན་ནི།།
མིག་རྒྱང་གློད་སའི་རི་བོ་རྩེ་གསུམ་ཅན་ཡིན།།
མདང་ནུབ་ཆར་པས་སྦངས་བའི་གཏམ་བརྗོད་མི་ཁྲོལ།།
དེ་རིང་ནམ་མཁའ་སྔོ་ཞིང་དྭངས་བར་གཟིགས་དང་།།

ཉི་ཟེར་གྲིབ་ཆེན་མཉམ་དུ་ལྡང་ས་གན་ནི།།
ཆུང་དུས་རྩེ་ར་མ་ཡིན་མདུན་གྱི་རི་འདབས།།
ལྗོན་པའི་སྐེ་རྒྱན་མི་ཕུད་ཤིག་ཤིག་འགུལ་སོང་།།
སྤང་གི་མེ་ཏོག་དག་ཀྱང་ཚོད་ཚོད་བཞད་འདུག།

རི་རྐེད་དུ་བའི་ལྕང་ལོ་ཕྱུང་བ་གན་ནི།།
གཞིས་ཀྱི་འབྲོག་སྡེ་མ་ཡིན་འབྲི་གཡག་མི་མཐོང་།།
འདི་གའི་ཡུལ་མི་ཁུ་སིམ་ལྷོད་ལ་ཆགས་པ།།
ནགས་གནས་བྱེ་འུ་ཚོགས་ཀྱང་དེ་ག་རང་ཡིན།།
ཀློགས་གྲངས། 2091 .. མཐའ་མའི་བཟོ་བཅོས། གཟའ་ཟླ་བ།, 13 /07/ 2015 09:39
གཅེར་བུ་པ།

རྡོག་ཁྲེས་ནག་པོ།

ནང་འཛུལ་བྱས་ཏེ་ཀློག་མཆན་སྤེལ།