གསར་སྤེལ་ཟིན་བྲིས།

ཨ་བཙན་པོ།

ཨ་བཙན་པོ།

ཁོ་བོ་ནི་རང་རིགས་ལ་ཤ་ཞེན་ཆེ་ཞིང་རང་སྐད་ལ་དུངས་བ་ཟབ་པའི་མི་བུ་མགོ་མཁྲེགས་ཤིག་ཡིན། དེའི་ཕྱིར་ཁོ་བོ་ཡུམ་སྐད་གཙང་མ་བཤད་སའི་གྲུ་ཟུར་འདིར་ཐོན་ཡོད། འོན་ཀྱང་གྲུ་ཟུར་འདི་ནས་སྤྱི་ལ་ཕན་པའི་ལས་དོན་ཞིག་འགྲུབ་མིན་མི་ཤེས་མོད། སེམས་པ་རྣམ་དག་བཟུང་ཡོད།

དྲ་རྒྱའི་དྲ་འབྲེལ།: http://www.dhomay.com / www.jonangwellbeing.org
སྐུ་ཞབས་རང་སྒྲར་བརྩམས་སྒྲུང་ཐད་ནས་བཅར་འདྲི་ཞུས་པ།
བཅར་འདྲི་མཁན། འབའ་སྨད་རྒྱལ་ལོ་ཚེ་རིང་།
ཡེ་ཤུའི་འཁྲུངས་སྐར་གྱི་རྟེན་འབྲེལ་ཞུ་ཚིག་ལས་བསླངས་པའི་བསམ་གཞིག
བོད་ཀྱི་ཟིན་བྲིས་དྲ་ཚིགས་ངོ་སྤྲོད་སྙིང་བསྡུས།

ཟིན་བྲིས་སྤེལ་སྟངས་སྐོར་ངོ་སྤྲོད་སྙིང་བསྡུས།

རལ་གྲིའི་རྩེ་མོར་བཏགས་པའི་ཤིས་ཚིག
...........དུར་བྱང་།
སེམས་ཀྱི་སྦུབས་ལས་གྲོལ་བའི་ཁང་བཟང་འདི།།
དབྱངས་གསལ་སོ་བཞིའི་གཞིས་ཁྱིམ་དྲོན་མོར་ངེས།
སྒྱུ་རྩལ་བླ་རུ་འཕགས་པའི་རྒྱབ་དཔུང་དུ།།
གཏན་དུ་མི་ནུབ་ཡུན་དུ་གནས་པར་མཛོད།།
བོད་ཀྱི་ཟིན་བྲིས་དྲ་བའི་དབུ་འབྱེད་ལ་རྟེན་འབྲེལ་དུ།

སྒྱུ་འཕྲུལ་གཏམ་གྱི་མེ་ལོང་ལ།།
བདེ་སྐྱིད་འཚོ་བའི་བྲོ་བ་ཡོད།།
སྒྱུ་རྩལ་རིག་པའི་རྩེད་འཇོ་ཡི།།
རིན་ཆེན་ནོར་བུ་འདི་ན་སྤུངས།།
བོད་ཀྱི་སྐད་དང་ཡིག་གེའི་ཚེ་སྲོག་ལ།།
ཟིན་བྲིས་དྲ་བའི་ནང་ནས་གསོན་ཤུགས་རྒྱས།།
དེང་གི་བརྡ་འཕྲིན་བཀོལ་སྤྱོད་ཆེ་བའི་སྐབས།།
དུས་དང་བསྟུན་ཏེ་གོམ་པ་སྤོས་པ་ལེགས།།
ཉེ་ལམ་ཨ་རིར་གནས་སྡོད་བོད་རིགས་བུད་མེད་ཀུན་བཟང་སྒྲོལ་མ་ལགས་ཀྱིས། མོ་རང་གི་ཀྱག་ཀྱོག་མི་ཚེའི་ལོ་རྒྱུས་དཔེ་དེབ་ ༼ རྡེའུ་འབུམ།༽ཞེས་པ་ཞིག་དཔར་འགྲེམས་བྱས་རྗེས། ཨ་རི་དང་ཡུ་རོབ་ཀྱི་མི་མང་པོ་ཞིག་གིས་དོ་སྣང་བྱེད་ཀྱི་ཡོད་པ་མ་ཟད། བོད་པའི་བརྒྱུད་ལམ་ཁག་ཏུའང་གླེང་སློང་ཤུགས་ཆེན་ཡོང་གི་ཡོད་སྟབས། གསར་འགོད་པས་དཔེ་དེབ་དེ་དང་འབྲེལ་ཏེ་མོའི་མི་ཚེའི་ཤུལ་ལམ་སྐོར་ལ་བཅར་འདྲི་ཞུས་ཡོད།
གཏམ་བརྗོད་རང་དབང་།
ཇི་སྐད་དུ། ཨ་མེ་རི་ཀའི་ཁྲིམས་ཞིབ་པ་ཆེན་མོ་པེན་ཇ་མེན་་ཁར་ཏོ་ཟོ་ན་རེ། གཏམ་བརྗོད་རང་དབང་ནི་རང་དབང་གཞན་དག་སྐྱེད་བྱེད་ཀྱི་མ་ལྟ་བུ་རེད་ཟེར། “གལ་ཏེ་ཐོབ་ཐང་ཡོད་ཚད་ལས་མཐོ་བའི་ཐོབ་ཐང་གཅིག་ཡོད་ན། དེ་ནི་གཏམ་བརྗོད་རང་དབང་གི་ཐོབ་ཐང་ཡིན”ཟེར་བའི་རྒྱུ་མཚན་ཡང་འདི་ལ་ཐུག་ཡོད་པ་རེད། གཏམ་བརྗོད་རང་དབང་ཞེས་པ་ནི། རང་ཅག་འགྲོ་བ་མི་སྤྱི་པར་འབྲེལ་ཡོད་ཀྱི་དོན་དག་ཐད། མི་བུ་རང་ཉིད་ཀྱི་བསམ་ཚུལ་དང་། དྲན་ཚུལ། འདོད་ཚུལ་བཅས་སོ་སོའི་འདོད་མོས་ལྟར་རང་དབང་དུ་འདོན་སྤེལ་ཆོག་པ་དང་། མི་བུ་གཞན་པའི་དེ་ཐད་ཀྱི་གཏམ་བརྗོད་ལ་ཉན་འཇོག་བྱེད་རྒྱུའི་ཐོབ་ཐང་ལ་གོ་དགོས། འོ་ན་སྤྱི་པའི་དོན་དག་གང་དག་ཐད་གཏམ་བརྗོད་ཀྱི་རང་དབང་ཡོད་དམ་ཞེ་ན། ཆབ་སྲིད་ལ་འབྲེལ་བའི་གཏམ་བརྗོད་དང་། ཆོས་ལུགས་ལ་འབྲེལ་བའི་གཏམ་བརྗོད་དང་། རིག་གནས་ལ་འབྲེལ་བའི་གཏམ་བརྗོད་དང་། སྒྱུ་རྩལ་ལ་འབྲེལ་བའི་གཏམ་བརྗོད་ལ་རང་དབང་ཡོད་པ་རེད། དེ་ལས་ཀྱང་ཅུང་ཞིབ་གསལ་དུ་བཀྲལ་ན། གོང་འཁོད་ཀྱི་ཆབ་སྲིད་སོགས་ཀྱི་ཐད་རང་ཉིད་ཀྱི་འདོད་ཚུལ་དག སེམས་ལ་དྲན་པའམ། ཁ་ནས་བརྗོད་པའམ། ཡི་གེའི་ལམ་ནས་འབྲི་བའམ། རི་མོའི་ལམ་ནས་བཞེང་བའམ། གློག་བརྙན་འཕྲིན་གྱི་ལམ་ནས་མཚོན་ཆོག་པ་དང་། དེས་མི་ཚད་དེ་རིགས་ཀྱི་བརྡ་འཕྲིན་གང་ཡང་ས་མཚམས་ཀྱི་དབྱེ་འགོག་མེད་པར་ཕར་གཞན་ལ་སྒྲོག་སྤེལ་ཆོག་ཅིང་། མི་གཞན་པའི་དེ་སྐོར་གྱི་བརྡ་འཕྲིན་ཚུར་རང་གིས་འཚོལ་ལེན་ཆོག་པ་ཞིག་ལ་ཟེར་བ་རེད། དེས་ཀྱང་མི་ཚད་དེ། ཁྲོམ་སྐོར་ལ་ཞུགས་པ་དང་ཚོགས་འཛོམས་ལ་ཞུགས་པ་དང་རྒྱལ་དར་མེ་ལ་སྲེག་པ་སོགས་ཀྱང་། མི་རྣམས་ཀྱིས་སོ་སོའི་རྣམ་འགྱུར་སྟོན་སྟངས་ཙམ་ཡིན་པས་ན་དེ་ཡང་གཏམ་བརྗོད་རང་དབང་གི་ནང་ཚན་ཞིག་ཏུ་བཞག་ཡོད་པ་རེད།
ཐོག་མ།སྔ་མ།123རྗེས་མ།མཐའ་མ།
ཤོག་ངོས་རྗེས་མ་དག་ཀློགས།