གསར་སྤེལ་ཟིན་བྲིས།

མུ་ཏིག

མུ་ཏིག

བུད་མེད་ཀྱི་བདེ་འཇགས་ནི་གནམ་འོག་གི་བདེ་འཇགས་ཡིན།
                                                                                           མུ་ཏིག
གཟའ་པ་སངས་ཀྱི་ཕྱི་དྲོ་ལྷན་འཛོམས་སྤྲོ་སྐྱིད་ཅིག་ན་ཡོད། ལས་གྲོགས་ཤིག་ལ་སྐྱེལ་མའི་འདུ་འཛོམས་ཤིག་ཚོགས་ཡོད། སྒྲོག་ཙེར་སྒོར་སྒོར་རེ་རེའི་མཐའ་ན་མི་འགའ་རེས་སྐོར་ནས་ཧ་ཧ་ཧོ་ཧོ་ཡི་དགོད་སྒྲ་བར་མ་ཆད་པར་ཡོད། གློ་བུར་དུ་ལས་གྲོགས་ཤིག་གིས་དེ་རིང་གི་གསར་འགྱུར་གོ་སོང་ངམ་ཞེས་དྲིས་བྱུང་། གསར་འགྱུར་ཡག་ཉེས་ཅི་ཞིག་རེད་དམ་ཞེས་པ་ན། གོ་པལ་པུར་ཁྱིམ་ཚང་ཕ་ཚབ་ཅིག་གིས་བུ་མོ་ཆུང་ཆུང་རེ་གཉིས་ལ་བཙན་གཡེམ་བྱས་པའི་གནས་ཚུལ་གོ་རྒྱུ་འདུག་ཅེས་སྐད་མགོ་དམའ་མོས་བཤད་བྱུང་། དེ་མ་ཐག་སེམས་འཚབ་པ་དང་ལུས་ཀྱི་བ་སྤུ་ཡང་གཟེངས་བྱུང་། གནས་ཚུལ་རྒྱས་པ་སྐད་ཆ་དྲིས་པ་ན་མོས་ཀྱང་སྐད་ཆ་དེ་གོ་མ་ཐག་ཡིན་ཞེས་བཤད་བྱུང་། དེ་མ་ཐག་ངའི་སེམས་ལ་རེས་མོས་ཀྱིས་འཁོར་ཡོང་བ་ནི་ལོ་འགའི་སྔོན་ལ་བྱུང་བའི་མཱ་སུ་རི་སློབ་གྲྭའི་དོན་དག་དེ་དང་། དེ་རིང་གི་སྐད་ཆ་འདི་གཉིས་ཡིན་པས་འདུག་བཟོད་བདེ་བ་གཏན་ནས་མ་བྱུང་། དགོང་ཟས་ཚར་རྗེས་ཁ་ཐུག་ནང་ལ་ལོག་ཡོང་བ་ཡིན། མུན་ནག་ནང་ནས་མིག་བཙུམ་བསྡད་ན་ཡང་བྱིས་པ་ཆུང་ཆུང་མང་པོ་ཞིག་མིག་ལམ་ལ་འཁོར་ཡོང་བ་དང་གཉིད་གཏན་ནས་མ་ཁུག ནམ་ལངས་ཁར་གཉིད་རབ་རིབ་ཅིག་ཁུག་ཀྱང་རྨི་ལམ་དུ་སློབ་མ་ཆུང་ཆུང་མང་པོ་ཞིག་རྨིས་བྱུང་། ནམ་ལངས་དུས་ཀྱང་སེམས་ལ་འཁོར་ཡོང་བ་ནི་བཙན་གཡེམ་གྱི་དོན་རྐྱེན་དེ་རེད། གཟའ་མཇུག་ལ་གྲོགས་མོ་ཞིག་དང་སྤྲོ་སྐྱིད་ལ་འགྲོ་ཆད་བྱས་ཡོད་པ་དེའང་རང་བཞིན་གྱིས་ཕྱིར་འཐེན་བྱས་པ་ཡིན། སེམས་ཁམས་མི་བདེ་བ་དང་ལུས་ཁམས་མི་སྐྱིད་པའི་སྒོ་ནས་སྤྲོ་སྐྱིད་ལ་སོང་ན་འགྲོ་རོགས་ཚོ་ཡང་ག་ལ་སྐྱིད།
ཁ་སང་དང་དེ་རིང་གི་སྐད་འཕྲིན་གླེང་ཚོམས་ཁག་ན་བཙན་གཡེམ་དོན་རྐྱེན་དེ་གླེང་ཞིང་། བཙན་གཡེམ་བྱེད་མཁན་གྱི་པར་དང་མི་དེ་གང་ནས་ཡིན་པ་སོགས་ཀྱང་གསལ་བོ་བསྒྲགས་བཞིན་འདུག
བུད་མེད་ཀྱི་བདེ་འཇགས་ནི་གནམ་འོག་གི་བདེ་འཇགས་ཡིན་པས། ངས་ཀྱང་མི་འདི་ཐར་པ་གཏོང་མ་ཐུབ། བོད་པ་ཚོས་ང་ལ་ཁ་རྡུང་གཏོང་སྲིད། གནས་ཚུལ་འདི་འདྲ་གསང་བ་དང་སྦས་གསང་མ་བྱས་ན་ངོ་ཚ་རེད་ལབ་སྲིད། བོད་ནང་གི་བོད་པ་ཚོས་གོ་ན་སེམས་ཤུགས་ཆགས་སྲིད་པ་དང་ཡང་ན་མི་རིགས་གཞན་གྱིས་གོ་ན་ངོ་ཚོ་ཡིན་པ་སོགས་སྨྲས་ནས་བཀག་གང་ཐུབ་བྱེད་ངེས། ཡིན་ན་ཡང་གནས་ཚུལ་འདིའི་རིགས་རྒྱ་ཡན་ཁྱོན་ནས་གཏོང་འདོད་མེད་དོ།།
ཞགས་ཐག་ནག་པོས་འཛིན་པར་བསམ་པའི་འཇིགས་རུང་རྨི་ལམ་འཁྲུགས་དུས་སུ།།

གཤོག་པ་བྲལ་ཡང་མཁའ་ལ་འཕུར་བའི་བྱིན་རླབས་མྱུར་དུ་སྩོལ་མཛད་པའི།།

ང་ལ་འཇིགས་པ་ཅི་བྱུང་སེལ་མཛད་གསོལ་བ་གྲངས་མེད་འདེབས་སའི་མགོན།།

སྟག་བཞི་མགོན་པོ་གང་ལ་གཤེགས་པར་དྲན་པའི་གདུང་བས་རྗེས་དྲན་བྱ།།
རྡོ་ལཱ་རྡར་གྱི་རི་མགོ་ལ་ལྗང་ཞྭ་གྱོན་མྱོང་མེད་ཀྱང་རི་སྐེད་ནགས་ཚལ་གྱི་ལྗང་ལྭ་ཕུད་མྱོང་མེད། དུས་བཞིར་འགྱུར་མ་མྱོང་བའི་རི་བོ་རྡོ་ལཱ་རྡར་གྱི་རི་འདབས་ན་བརྒྱ་ཕར་འགྲོ་དང་སྟོང་ཚུར་འོང་གི་མི་ཚོགས་ནི་རྡོ་ལེབ་ཚ་བོའི་སྟེང་གི་གྲོག་མའི་འདུར་རྒྱུག་དང་མཚུངས། རི་འདབ་ནས་ཡར་རི་མགོར་བལྟས་པ་དང་ཡང་ན་རི་རྩེ་ནས་མར་རི་འདབས་ལ་བལྟས་ན། བུད་མེད་སྦྲུམ་མ་ཞིག་གི་ལྟོ་བ་དང་འདྲ་བའི་རིལ་རིལ་ལོག་ལོག་གི་རྡ་ས་ལྷང་ངེར་མཐོང་བ་དང་སྡོང་རྒན་རིང་པོ་དག་གི་གསེང་ནས་རྒྱ་ཕིབས་སེར་པོའི་འོད་སྣང་ཞིག་མིག་ལམ་ལ་ཧྲིལ་གྱིས་འཆར་འོང་། རང་བྱུང་ཁོར་ཡུག་ནི་འདི་ལྟར་དྭངས་གཙང་ཡིན་ལ་དམིགས་བསལ་རི་བོ་རྡོ་ལཱ་རྡར་གྱི་བྱང་ཕྱོགས་རི་རྒྱུད་ན་འབབ་བཞིན་པའི་རྦབ་ཆུའི་ཟེགས་མ་ནི་དཔལ་དོན་གྲུབ་རྒྱལ་གྱིས་བྲིས་པའི་༼ལང་ཚོའི་རྦབ་ཆུའི་༽ སྙན་ངག་ལས་ཀྱང་མཛེས་ཞིང་སྙིང་དུ་སྡུག ལོ་ངོ་ལྔ་བཅུ་ལྷག་གི་ཡར་སྔོན་དུ་སྔོ་ཞིང་ལྗང་བའི་ནེའུ་གསེང་འདི་ན་རྦབ་ཆུའི་བཞུར་སྒྲ་ལ་རོལ་བའི་རི་དྭགས་སེམས་ཅན་ཁོ་ན་མ་གཏོགས་མི་སུ་ཡང་མེད་རབས་ཟེར། ས་རྒོད་རི་རྒོད་ཡིན་པའི་རི་བོ་རྡོ་ལཱ་རྡར་གྱི་རི་འདབས་སུ་བོད་པ་སྐྱབས་བཅོལ་ལ་འབྱོར་བ་ནས་བཟུང་། རིམ་བཞིན་གདོད་མའི་ནགས་ཚལ་གྱི་འཚོ་བ་ནས་འགྱུར་སྟེ་ལོ་ངོ་སྟོང་ཕྲག་སོང་བ་ལྟ་བུའི་དེང་དུས་ཀྱི་ཁང་རྩེག་འདི་དག་ནི་རྒྱ་གར་ཡུལ་མིའི་འགྱུར་ལྡོག་ཆེ་ཤོས་ཤིག་མཚོན། 
གཟའ་ལྷག་པ།, 25 /12/ 2013 09:26

རྡ་སའི་གངས་དང་ང་ཡི་གཞས།

རྡ་སའི་གངས་དང་ང་ཡི་གཞས།

བྱ་ཤ་རྡོ་སྲེག་མ་དང་སྐད་ཆ་སེར་ཐིག་མ།
མུ་ཏིག
གཟའ་ལྷག་པ།, 28 /08/ 2013 11:08

མི་ཚེ། རོལ་རྩེད།

མི་ཚེ། རོལ་རྩེད།
༼པར་རིས་སྙན་རྩོམ།༽
མུ་ཏིག
ཐོག་མ།སྔ་མ།12རྗེས་མ།མཐའ་མ།
ཤོག་ངོས་རྗེས་མ་དག་ཀློགས།