གསར་སྤེལ་ཟིན་བྲིས།

སྙན་ངག

སྙན་ངག (659)

གཟའ་ཉི་མ།, 31 /01/ 2016 18:08

སྒོ་ཐེམ་འདི་ནས།

ཟིན་བྲིས་པ།
(ལང་ཚོ་ལ་བཏགས་པ།)
གཟའ་ལྷག་པ།, 30 /12/ 2015 17:54

བརྩེ་དུང་གི་འགྲེལ་བཙལ་བ།

ཟིན་བྲིས་པ།
བརྩེ་དུང་གི་འགྲེལ་བཙལ་བ།

                     -----མགལ་དུམ།


མིང་དང་ཚིག་གིས་བསྣོལ་མཚམས་ཇི་ལྟར་སྦྲེལ་ཡང་།།
ཁྱེད་ལ་དགའ་བའི་བརྡ་དེ་འགྲེལ་ཐབས་མི་འདུག།
སྙིང་དང་གློ་རུ་ཟུག་པའི་ཁྱེད་ཀྱི་ཡོད་ཚད།།
ཡ་ཆུང་སེམས་པུའི་གཏིང་ནས་ཡལ་ཐབས་མི་གདའ།།

མཚན་མོའི་རྨི་ལམ་སུ་དང་གང་ཞེས་མ་གླེང་།།
ཁྱེད་རང་ཡིན་ཡིན་འདྲ་པའི་སྣང་བས་བཟི་ཡོད།།
ཉིན་མོའི་འགྲོ་འདུག་ཅི་དང་ཇི་ཞེས་མ་འདྲི།།
ཉི་མ་རི་བོས་འགམ་པའི་ལེའུ་ལ་བྲིས་ཡོད།།

འདྲ་པར་སྙིང་ལ་གླན་པའི་རྣམ་པ་དོད་པོ།།
གློ་བ་ཁྱེད་ལ་སྤྲད་པའི་འགྲེལ་དུ་རློམ་མམ།།
དྲན་པ་རྒྱང་ལ་སྤུར་པའི་སྣ་གླུ་ཟ་ཟི།།
ཞེ་རྩ་ཉིད་ལ་མདུད་པའི་དོན་དུ་འགྲིག་གམ། །

ཚོར་བའི་རྨུ་ཐག་ཚེ་ཡི་གུད་དུ་བཞག་ཅིང་།།
ཚེ་ཡི་ཨ་ལོང་ཚིག་གིས་དམ་དུ་མནན་ཏེ།།
ཕུགས་སུ་བདེ་བ་བསྙལ་པའི་རུ་མར་རློམ་པ།།
སྨོན་པ་ཚེ་ལ་དཀྲོལ་པའི་དབྱངས་རྟ་ཡིན་ནམ།།

གཅམ་བུའི་ཚུགས་ཀ་ཟོལ་མའི་དུར་དུ་སྦས་ཤིང་།།
བརྩེ་བའི་ཞག་ཐག་འཚོ་བའི་སྔས་སུ་བསྡམས་ཏེ།།
རྒན་དར་གཞོན་གཞོན་གང་དེའི་སྣང་བ་དེ་ཀོ།།
མཉམ་ཁུར་མཉམ་སྤྱོད་གནང་བའི་བློ་ཐག་ཆོད་དམ།།

མིག་གིས་ཁྱེད་ལ་བལྟས་པའི་སྒྲུང་ཞིག་བརྩམས་པ།།
སེམས་ཀྱི་སོས་སུ་རོལ་པའི་བཅུད་ཅིག་ཡོད་དམ།།
གློ་བ་དཀར་དཀར་ཡིན་པའི་གཏམ་ཞིག་གློད་པ།།
ནམ་ཞིག་འཇའ་འོད་འཚེར་བའི་སྟ་གོན་ཡིན་ནམ།།

དཔྲལ་པའི་གསེང་དུ་ཁྱེད་ཀྱི་མིང་ཡིག་བཀོད་པ།།
སྙིང་གིས་གཅེས་གཅེས་བྱ་བའི་བརྡ་ཞིག་ཉན་ནམ།།
ཚེ་ཡི་སྐྱབས་སུ་བློ་ཡིས་ཡང་ཡང་བསྐུལ་པ།།
འདི་ཕྱི་གང་ལ་ཐུགས་ཀྱིས་བསླུ་བ་མཆིས་སམ།།

ཚོད་ལ་དབུགས་རིང་ལེབ་མོ་ལེབ་མོ་བརྔུབས་པ།།
སྙིང་གིས་མྱི་ཞིག་དྲན་པའི་རྟགས་སུ་འཕྲོད་དམ།།
ཕྱི་ཐག་རྡོ་ལ་བརྐོས་པའི་ཉམས་ཤིག་བསྟན་པ།།
མི་ཚེ་གཡས་སུ་འཁོར་བའི་ལམ་ཞིག་འབྱུང་ངམ།།

༢༠༡༥-༤-༣༠ཉིན།
གཟར་བོ་བྲག་འཕྲང་ཚལ་བར་གཏུབས་ཤིང་ས་ཆེན་གཤེགས་ཏེ་དུས་ཀྱི་སྒལ་བར་སྟོབས་ཀྱིས་བཞུར་ཞིང་གང་ཞིག་བསྙེག།
དགུན་གྱི་འཁྱགས་རོམ་དྲག་པོས་མ་ཁོག་དབྱར་ཁའི་སྤང་ཐང་མཛེས་པོ་དག་ལ་མ་ཐོགས་ཁྱེད་ཉིད་གང་དུ་བྲེལ།།
ཉིན་མཚན་དུས་དྲུག་ལྟོས་མེད་ཀུན་ཏུ་འཁྱུག་ཙམ་འདུག་པའི་གོ་སྐབས་ཕྲ་བ་ཁྱེད་ལ་སུ་ཡིས་བཀའ་ཆད་ཕོག།
ཞེན་ཆགས་ཕྱིར་མིག་ཅི་ཡང་མ་མཆིས་མདུན་དུ་བསྐྱོད་པའི་ཆུ་བོ་ཆེན་མོ་བདག་ལ་རེ་ཞིག་གསན་རོགས་ཀྱེ།།
གཟའ་ལྷག་པ།, 22 /07/ 2015 10:52

ཨ་རག༼༡༠༽

ཟིན་བྲིས་པ།
གཟའ་ཟླ་བ།, 20 /07/ 2015 16:50

ཨ་རག༼༩༽

ཟིན་བྲིས་པ།
གཟའ་ཕུར་བུ།, 16 /07/ 2015 17:03

ཨ་མ་དྲན་ཐེངས་རེ་ལ།

ཟིན་བྲིས་པ།
གཟའ་ལྷག་པ།, 15 /07/ 2015 13:06

ཉིན་ཐོ་སྔ་གཞུག

ཟིན་བྲིས་པ།
གཟའ་ཟླ་བ།, 13 /07/ 2015 09:38

མདུན་ཐད་དུ་བལྟས་པ།

ཟིན་བྲིས་པ།
མདུན་ཐད་དུ་བལྟས་པ།
ཐོག་མ།སྔ་མ།12345678910རྗེས་མ།མཐའ་མ།
ཤོག་ངོས་རྗེས་མ་དག་ཀློགས།