གསར་སྤེལ་ཟིན་བྲིས།

 བསྒྱུར་རྩོམ།

བསྒྱུར་རྩོམ། (30)

གཟའ་ཕུར་བུ།, 20 /08/ 2015 18:36

ལོ་རྒྱུས་ཀྱི་གོ་དོན།

ཟིན་བྲིས་པ།
སྤྱིར་མཚན་ཉིད་ཀྱིས་བརྗོད་བྱ་དེའི་ཁྱབ་ཚད་ལ་ཚད་གཞི་འཛིན་ཞིང་གསལ་བར་བྱེད། དེ་ཡིས་ས་མཚམས་དག་བཟོ་བར་བྱེད་ཅིང་སྒྲིག་གཞི་གཞན་ལས་དབྱེ་བ་འབྱེད་པ་ཡིན། ལོ་རྒྱུས་ལ་གཞིགས་ཏེ་བརྗོད་ན་མཁས་པ་དང་སྨྱུག་ཐོགས་པ་རྣམས་ཀྱིས་འགྲེལ་བཤད་སྣ་ཚོགས་པ་ཞིག་བརྒྱབས་ཡོད།  ལོ་རྒྱུས་ཀྱི་འགྲེལ་བཤད་སྣ་ཚོགས་ཤིག་མཆིས་ནའང་། མཐར་གཏུགས་ཀྱི་མཚན་ཉིད་ཅིག་ད་དུང་མེད་པ་ལ་ཕར་ཆེར་ཡོད་ཀྱང་སྲིད་པ་མ་ཡིན།
གྷི་རི་ཀི་རྣམས་ནི་ལོ་རྒྱུས་འགྲེལ་བཤད་ཀྱི་སྲོལ་འབྱེད་པ་ཡིན། ལོ་རྒྱུས་<>ཞེས་པའི་བརྡ་ཆད་འདི་སྔོན་ཆད་གྷི་རི་སིའི་ཐ་སྙད་དུ་ཨི་སི་ཁྲོ་རིའི་ཡཱ་<>ཞེས་རྙེད་རྒྱུུ་ཡོད་ཅིང་། དེའི་གོ་དོན་ནི་ཞིབ་འཇུག་གམ་ཉམས་ཞིབ། དེ་ཡང་ཞིབ་འཇུག་ལས་རྙེད་པའི་གྲུབ་དོན་ཞིག་ཏུ་འདོད། རོ་མ་ཡིས་གྷི་རི་སི་ནས་ལོ་རྒྱུས་ཀྱི་གོ་དོན་རྟོགས་པ་ཡིན། དེ་ནི་འཛམ་གླིང་སྐད་ཡིག་གཞན་དག་ལ་རིམ་བཞིན་ཁྱབ་པ་ཡིན་ཞིང་གལ་གནད་ཅིག་ཏུ་ངོས་བཟུང་བ་རེད། ཡེ་ཤུ་འཁྲུངས་བའི་སྔོན་གྱི་དུས་རབས་ལྔ་བའི་དཀྱིལ་དུ་ལོ་རྒྱུས་ཀྱི་ཡབ་ཆེན་ཏེ་ཧེ་རོ་ཊོ་ཁྲོས་སུ་<>ཡིས་གྷི་རི་སི་དང་པར་ཞི་ཡན་གཉིས་ཀྱི་འཐབ་འཁྲུག་དང་འབྲེལ་བའི་རང་ཉིད་ཀྱི་ཟིན་ཐོ་ཞིག་བྲིས་ཡོད། ཁོང་གིས་དེ་ལ་ཞེས་མིང་བཏགས། འདི་ནི་སྐབས་དེ་དུས་སུ་བྱུང་བའི་དོན་རྐྱེན་དང་ཁོས་གྷི་རི་ཀི་དང་པར་ཤི་མི་མང་གཉི་གའི་འཐབ་འཁྲུག་གི་དོན་རྐྱེན་ཁྲོད་རང་ཉིད་ཀྱི་ཞིབ་འཇུག་དང་འཚོལ་ཞིབ་ཀྱི་གྲུབ་འབྲས་དེ་ལ་གོ་དགོས་པ་ཡིན།
ཧེ་ལེ་ཁར་ན་སོས་སི་ཡི<> ཊེ་ཡཱ་ཎའི་སོས་སི་<>ནི་ལོ་རྒྱུས་ཀྱི་གལ་གནད་རྩ་དོན་སྨྲ་མཁན་ཆེས་ཐོག་མ་ཞིག་ཡིན། ཁོང་ན་རེ་“ལོ་རྒྱུས་ནི་མིག་དཔེ་ལས་བྱུང་བའི་མཚན་ཉིད་རིག་པ་ཞིག་ཡིན།”ཞེས་སྨྲས། ཁོང་གིས་མིག་དཔེ་ཞེས་པ་ནི་མེ་ཚེ་ལས་བྱུང་བའི་བྱ་དངོས་དག་ལ་གོ་དགོས། སྐུ་ཞབས་ཝེལ་ཁྲར་<>གྱིས་དུས་རབས་མང་པོའི་རྗེས་སུ་གོང་གི་བསམ་བློའི་འདུ་ཤེས་ལད་ཟློས་བྱས་ཏེ་“འདས་སོང་དུས་ཀྱི་མིག་དཔེ་དག་གིས་ང་ཚོར་ལམ་སྟོན་བྱེད་རྒྱུ་ནི་ལོ་
                                                                                                                                                      རྩོམ་པ་པོ་རོ་སི་ཐང། 

ངའི་བོད་རིགས་སྤུན་ཟླ་རྣམ་པ།
གསུམ་པའི་ཚེས་པ་བཅུ་ནི་ཁྱེད་ཚོ་ཙམ་མིན་པར་རྒྱ་རིགས་དང།  འགྲོ་བ་མིའི་རིགས་ཚང་མར་དམིགས་གསལ་གྱི་ཉིན་མོ་ཞིག་ཡིན།  ཕྱི་ལོ་༡༩༤༩ལོར་རྒྱ་ནག་དམར་ཤོག་ཚོགས་པས་དམར་པོའི་སྲིད་དབང་བཙུགས་ཏེ་བོད་ལ་དབང་བསྒྱུར་བྱས་པ་ནས་བཟུང་བོད་རིགས་མི་མང་ནི་ཁོང་ཚོའི་དབང་སྒྱུར་དང་གཉའ་གནོན་ལ་ངོ་རྒོལ་བྱེད་མཁན་ཐོག་མ་དེ་ཆགས་ཡོད་ཅིང་།  ངོ་རྒོལ་གྱེན་ལངས་དེ་ནི་དུས་སྐབས་དེའི་ནང་གཞི་རྒྱ་ཆེ་བའི་ངོ་རྒོལ་གྱི་ལས་འགུལ་ཐོག་མ་དེ་ཡང་ཆགས་ཡོད།   བོད་ཀྱི་དཔའ་བོ་དཔའ་མོ་རྣམས་ཀྱིས་ནོར་བུ་གླིང་ཁའི་མཐའ་བསྐོར་བ་དང་།  ལྷ་སའི་གཞུང་ལམ་སྟེང་དུ་ཁྲོམ་སྐོར་བྱས་པ་དེ་ནི་ང་ཚོར་ཆེས་འཇིགས་སྣང་ཆེ་ཞིང་གདུག་རྩུབ་ཆེ་བའི་ཆབ་སྲིད་ལམ་ལུགས་ལ་ངོ་རྒོལ་གྱེན་ལངས་ཀྱི་དཔེ་མཚོན་ཞིག་ཡིན་པ་བསྟན་ཡོད།   ཁྱེད་ཚོ་ནི་གསར་གཏོད་ཀྱི་བྱེད་པོ་ཞིག་ཡིན་པས་ངས་ཁྱེད་ཚོར་མིག་དཔེ་ལྟ་བཞིན་ཡོད།
ཕྱི་ལོ་༡༩༥༩ནང་བོད་མི་རྣམས་ཀྱིས་རྒྱ་ནག་གི་དབར་སྒྱུར་ལ་ངོ་རྒོལ་གྱེན་ལངས་བྱེད་སྐབས་ངའི་སྤུན་ཉེ་བཅུ་གཉིས་ཚུད་པའི་རྒྱ་རིགས་མང་པོ་ཞིག་མའོ་ཙེ་ཏུང་གི་(Great Leap Forward)མདུན་མཆོངས་ཆེན་མོའི་ལས་འགུལ་དེའི་ཁྲོད་བཀྲེས་སྐོམ་ཀྱིས་འདས་གྲོངས་སུ་གྱུར་ཡོད།  གྱེན་ལངས་བྱུང་བའི་རྗེས་སུ་བོད་མི་རྣམས་བཙོན་ལ་བཅུག་ཏེ་མནར་གཅོད་དང་སྡུག་སྦྱོང་ཚད་མེད་བཏང་ཡོད་པ་མ་ཟད།   མའོ་ཙེ་ཏུང་གི་(Anti-Rightist campaign)གཡས་ལྷུང་ལས་འགུལ་ལ་ངོ་རྒོལ་བྱེད་མཁན་རྒྱ་རིགས་ཤེས་ཡོན་པ་རྣམས་ཀྱང་བཙོན་འཇུག་བྱས་ཏེ་མནར་གཅོད་བཏང་ཡོད།
ལོ་ངོ་སུམ་བཅུའི་རྗེས་ཀྱི་ཕྱི་ལོ་༡༩༨༩ཟླ་བ་གསུམ་པའི་ནང་བོད་མི་རྣམས་ནི་སླར་ཡང་འཇིགས་སྣང་མེད་པའི་ཐོག་ནས་རྒྱ་ནག་གཞུང་གི་ཁ་གཏད་དུ་ལངས་མཁན་ཐོག་མ་དེ་ཆགས་ཤིང་།  བོད་མི་མང་པོ་ཞིག་དམར་གསོད་ཀྱང་བཏང་ཡོད།  ཁོང་ཚོས་རང་དབང་དང་མང་གཙོ།  རང་བཙན་གྱི་ཆེད་དུ་བློས་གཏོང་ཆེན་པོ་བྱས་ཡོད།སྐབས་དེ་དུས་ང་ནི་པེ་ཅིང་དུ་མཐོ་སློབ་ཀྱི་གསར་ཞུགས་སློབ་མ་ཞིག་ཡིན་ལ།  རྒྱ་རིགས་གྲོགས་པོ་ཞིག་ལྷ་སར་ལྟ་སྐོར་ལ་ཕྱིན་ཏེ་ཚུར་འཁོར་བ་དང་ཁོང་གིས་དྲག་བཅས་ཉེན་རྟོག་པས་བོད་མི་རྣམས་ལ་གདུག་རྩུབ་ཆེན་པོས་རྡུང་རྡེག་བཏང་བའི་སྐོར་དངོས་སུ་མཐོང་བ་ཞིག་ང་ཚོར་འགྲེལ་བརྗོད་བྱས་བྱུང་།  ངའི་རེ་བར་གནམ་བདེ་སྒོ་མོའི་སློབ་ཕྲུག་མང་པོས་ལོ་རྒྱུས་དེ་རིགས་མང་ཙམ་ཤེས་པ་དང་།  པེ་ཅིང་དང་ལྷ་སའི་སྡེབ་གསོད་ཀྱི་དོན་རྐྱེན་དེ་མ་བྱུང་སྔོན་ལ་བོད་མི་ངོ་རྒོལ་བ་རྣམས་དང་འབྲེལ་འདྲིས་ཀྱང་བྱུང་ཡོད་ན་བསམ་བྱུང་།  དེའི་རྗེས་ཕྱི་ལོ་༡༩༨༩ལོའི་དཔྱིད་ཀར་རྒྱ་ནག་གི་གྲོང་ཁྱེར་བརྒྱ་ཕྲག་བརྒལ་བའི་ནང་མི་མང་གིས་མང་གཙོའི་དོན་དུ་རྔམ་སྟོན་ཁྲོམ་སྐོར་བྱས་ཡོད།
སྐབས་དེ་དུས་ང་ཚོས་རང་རང་སོ་སོའི་ས་ནས་ལས་འགུལ་སྤེལ་གྱི་ཡོད་ལ།  ང་ཚོས་བརྡ་འཕྲིན་བརྒྱུད་ཕན་ཚུན་འབྲེལ་འདྲིས་དང་། ཐུན་མོང་གི་ཉམས་མྱོང་དང་གོ་རྟོགས་བརྗེ་རེས་བྱེད་རྒྱུར་བརྡ་འཕྲིན་བརྒྱུད་ལམ་གྱི་ཆ་རྐྱེན་མི་འདང་བར་ཁག་དཀྲི་བཏགས་ཆོག   ཕྱི་ལོ་༢༠༡༥ལོ་སྟེ་དྲ་རྒྱ་དང་ཁ་པར་སོགས་ཤུགས་ཆེ་དར་བའི་བརྡ་འཕྲིན་གྱི་དུས་རབས་འདིའི་ནང་ང་ཚོས་སོ་སོ་རང་ཉིད་ཀྱི་འཇིགས་ཞུམ་དང་། ལེ་ལོ་སོགས་ལ་ཁག་དཀྲི་བྱེད་རྒྱུ་ལས་གཞན་ཆ་རྐྱེན་མི་འདང་བའི་སྐྱོན་བརྗོད་དང་ལེ་འདའ་བྱེད་རྒྱུ་གང་ཡང་ལྷག་མེད།   རྒྱ་ནག་དམར་པོའི་སྲིད་གཞུང་གིས་ཐབས་ཤེས་ཡོད་ཚད་ཀྱིས་ང་ཚོ་ཁ་བྲལ་དུ་གཏོང་བའི་ཐབས་ཤེས་བྱེད་བཞིན་པ་མ་ཟད། ང་ཚོའི་དབར་དཀྲོག་རྐྱེན་བཟོ་ཅི་ཐུབ་ཀྱིས་ཕན་ཚུན་འཁོན་འཛིན་དང་མ་དགའ་བ་ཡོང་བའི་སྐུལ་སློང་བྱེད་ཀྱིན་ཡོད།   རྒྱ་ནག་གཞུང་གིས་རྒྱལ་ནང་དང་འཛམ་གླིང་ལ་རྗུན་གཏམ་ཁྱབ་གདལ་དུ་གཏོང་གིན་ཡོད་པ་མ་ཟད་སྲིད་འཛིན་ཨོ་བྷོ་མ་(Obama)དང་ཁོང་གི་བཟའ་ཟླ་(Michelle Obama)མ་ཁེལ་ཨོ་བྷོ་མ་གཉིས་ཀྱིས་ཀྱང་མང་ཚོགས་ཁྲོད་ཡོངས་བསྒྲགས་ཀྱིས་བོད་དེ་རྒྱ་ནག་གི་ཆ་ཤས་ཤིག་རེད་ཅེས་མངོན་སུམ་འཛེམས་མེད་ཀྱི་རྫུན་གཏམ་བཤད་ཡོད།  དེ་ནི་ངོ་ཚ་མེད་ཅིང་ཧམ་གཤེད་ཆེ་བའི་རྫུན་གཏམ་ཞིག་མ་རེད་དམ།   དེས་ང་ལ་ཁོང་ཁྲོ་དྲག་པོ་བསླངས་བྱུང་།
ང་ཕལ་ཆེར་ཕྱི་ལོ་༡༩༨༩ལོའི་ཟླ་བ་༦པའི་ཚེས་བཞིའི་ཉིན་གྱི་ཞོགས་པའི་གནམ་བདེ་སྒོ་མོའི་ཞི་བའི་ངོ་རྒོལ་ནང་གསོད་གྲབས་བྱས་བྱུང།  ག་རེའི་ཆེད་དུ་ཡིན་ནམ་ཞེ་ན།  དེ་ནི་མང་གཙོའི་ཆེད་དུ་རེད།  གལ་ཏེ་རྒྱ་རིགས་སྟོང་ཕྲག་ལྷག་མེད་ནའང་བརྒྱ་ཕྲག་ལྷག་ཙམ་ཞིག་ནི་མེ་མདའ་དང་ལྕགས་ཁྲབ་འཁོར་ལོའི་འོག་ཏུ་དམར་གསོད་གཏང་ཡོད།   སྤྱིར་བཏང་རྒྱུ་མཚན་འདི་གཅིག་པུའི་ཐོག་ནས་ང་ཚོས་སོ་སོའི་འདོད་མོས་ཡོད་པའི་དབུ་ཁྲིད་ཀྱི་ཆེད་དུ་འོས་ཤོག་འཕེན་པར་འདོད།
ངས་བྷ་རག་ཨོ་བྷོ་མ་ལ་འོས་ཤོག་འཕེན་པ་ནི་ཨ་རིའི་ནང་ང་ལ་ཨ་མི་རིའི་ཁའི་མི་སེར་ཆགས་པ་དང་འོས་ཤོག་འཕེན་པ་ཐེངས་དང་པོ་དེ་ཡིན།  ངས་ཁོང་གིས་འགྱུར་བ་ཏོག་ཙམ་ཞིག་གཏོང་བའི་རེ་བ་བརྒྱབ་པ་ཡིན།  གང་ཡིན་ཟེར་ན་ཁོང་གིས་ང་ཚོས་འགྱུར་བ་གཏོང་ཐུབ་ཀྱི་རེད་ཅེས་བརྗོད་སོང།  ཡིན་ནའང་ཁོང་གིས་འགྱུར་བ་དེ་ཙམ་བཏང་མེད་པ་མ་ཟད།   ལྷག་པར་དུ་རྒྱ་ནག་ཐོག་འཛིན་པའི་སྲིད་ཇུས་ཀྱི་ཁ་ཕྱོགས་ལ་དམིགས་བསལ་གྱི་འགྱུར་བ་གང་ཡང་བཏང་མེད།  དེར་བརྟེན་ཁོང་གིས་ང་ཚོ་བློ་ཕམ་སྐྱེ་རུ་བཅུག་སོང་།  འདིར་ངས་མི་སེར་རྒྱལ་ཁབ་ཀྱི་ཕྱོགས་གཏོགས་ལ་རྒྱབ་སྐྱོར་བྱེད་ཀྱི་མེད་པར་ཨོ་བྷ་མ་ལ་སྐྱོན་བརྗོད་བྱེད་ཀྱིན་ཡོད།  ངས་འདིར་འགྲོ་བ་མིའི་རིགས་ཀྱི་དྲང་བདེན་དང་ང་ཚོ་ཨ་རི་བ་ཞིག་ཡིན་པའི་ངོས་ནས་གཞི་རྩའི་ཐོབ་ཐང་ལ་རྒྱབ་སྐྱོར་བྱེད་བཞིན་ཡོད།
ཨ་རི་ནི་མང་གཙོའི་ཁ་ཕྱོགས་སྟོན་མཁན་ཞིག་ཡིན་པ་ཆ་འཇོག་བྱེད་བཞིན་ཡོད་ཀྱང་ང་ཚོའི་རྒྱལ་ཁབ་ཀྱི་དབུ་ཁྲིད་རྣམས་ཀྱིས་ང་ཚོའི་ངོ་ཚབ་བྱེད་ཐུབ་ཀྱི་མེད།  ཁོང་ཚོས་འགྱུར་བ་ཆེན་པོ་ཞིག་གཏོང་འདོད་མེད་པ་དེ་ནི་རྒྱ་ནག་དང་མཉམ་དུ་དངུལ་བཟོ་འདོད་ཡོད་པའི་དབང་གིས་རེད།  རྒྱུ་མཚན་དེའི་རྐྱེན་པས་ཁོང་ཚོས་རྒྱ་ནག་གི་ཆེད་དུ་རྗུན་གཏམ་ཁྱབ་གདལ་དུ་བཏང་སྟེ་རྒྱ་ནག་དང་མཉམ་དུ་(Nazi)ནཱ་ཛི་ཧིཌ་ལར་སྐབས་ཀྱི་ཆབ་སྲིད་ཀྱི་ལམ་ལུགས་ལྟ་བུ་ཞིག་ཏུ་བསྐྲུན་གྱི་ཡོད།  སྲིད་འཛིན་ཞི་ཅིང་ཕིང་གི་འོག་ལ་ཡོད་པའི་རྒྱ་ནག་གཞུང་གིས་དངུལ་བེད་སྤྱད་དེ་ཚད་ལས་བརྒལ་བའི་འཇིགས་སྣང་བསྐུལ་བ་དང་།  མི་མང་དང་མཉམ་དུ་འཚེ་བ་དང་དཀྲོག་གཏམ་ཁྱབ་སྤེལ་བྱས་ཏེ་འགྲོ་བ་མིའི་རིགས་ཀྱི་ཁོར་ཡུག་བཙོག་པ་བཟོ་གི་ཡོད།  འདི་ནི་ཧ་ཅང་གི་ཉེན་ཁ་ཆེ་བའི་ཁ་ཕྱོགས་ཤིག་རེད།
སྲིད་གཞུང་གི་འགོ་འཁྲིད་དེ་དག་བཀག་སྡོམ་བྱེད་རྒྱུ་ནི་ང་ཚོ་ལ་རགས་ལས་ཡོད།  ང་ཚོ་ཨ་མི་རི་ཁ་བ་རྣམས་ཀྱིས་ཀྱང་ཁོང་ཚོས་བྱས་པ་དེ་ཡང་དག་ཅིག་མ་ཡིན་པ་ཤོད་དགོས།  ད་ཆ་ཧོང་ཀོང་མི་མང་རྣམས་ཀྱིས་མདུན་སྐྱོད་ཀྱི་རྒྱ་ནག་གཞུང་གི་གདུག་རྩུབ་སྲིད་བྱུས་ལ་སླར་ཡང་ངོ་རྒོལ་བྱེད་ཀྱི་ཡོད།  ལོ་ལྔ་བཅུའི་གོང་ལ་པེ་ཅིང་སྲིད་གཞུང་གིས་གྲོས་མཐུན་དོན་ཚན་བཅུ་བདུན་རྩིས་མེད་བཏང་བ་བཞིན་རྒྱལ་ཁབ་གཅིག་ལ་ལམ་ལུགས་གཉིས་ཟེར་བའི་ལུགས་སྲོལ་དེ་ཡང་རྩིས་མེད་དུ་བཏང་ཡོད།
རྒྱ་རིགས་གསར་འགོད་པ་གྲགས་ཅན་སུའུ་ཞའོ་ཁང་(Su Xiaokang)གིས་ཉེ་དུས་རྩོམ་ཡིག་ཅིག་སྤེལ་བའི་ནང་རྒྱ་ནག་དམར་ཤོག་ཚོགས་པས་བོད་དང་ཤར་ཏུར་ཀི་སི་ཐན་གཉིས་ལ་ལམ་ལྷོང་བྱུང་བའི་ཁོང་ཚོའི་ཆབ་སྲིད་ལམ་ལུགས་དེ་ད་ཆ་ཧོང་ཀོང་ལ་སྤེལ་ཏེ་རིམས་པས་ཧོ་ཀོང་ཡང་བཟའ་བཞིན་འདུག་ཅེས་ཟེར།  པེ་ཅིང་གིས་མི་གསོད་ཁྲག་སྦྱོར་བྱས་ཏེ་སྲིད་དབང་སྒེར་འཛིན་གྱི་ལམ་ལུགས་རྒྱ་བསྐྱེད་གང་འདྲ་ཞིག་བྱས་སོང་།  འདི་ནི་ཞེད་སྣང་ཚ་པོ་ཞིག་ཡིན་པ་མ་ཟད་ཧ་ཅང་གི་གདུག་རྩུབ་ཆེ་བའི་དབང་ཆ་རྒྱ་བསྐྱེད་བྱས་པ་ཞིག་ཏུ་ངོས་ལེན་བྱེད་བཞིན་ཡོད།  རྒྱ་ནག་གི་དཔོན་རིགས་དེ་དག་གིས་རིན་བབ་མཐོ་བའི་འཛམ་གླིང་གི་ཚོང་རྟགས་གྲགས་ཅན་གྱི་རྒྱུ་ནོར་རྣམས་ལྐོག་ས་རུལ་སྲུངས་ཀྱིས་ཧམ་འཕྲོག་བྱས་ཏེ་ཁོང་ཚོའི་ནང་མི་དང་།  མཐུན་ཕྱོགས་མི་སྣ།  ཟུར་མོ་སོགས་ལ་སྤྲད་དེ་ཧ་ཅང་གི་རྒྱས་སྤྲོད་བྱེད་ཀྱི་ཡོད་པ་ང་ཚོས་མཐོང་ཐོས་ཡོང་གི་ཡོད།  ཁོང་ཚོའི་བུ་མོ་དེ་དག་ཡང་ཨ་རིའི་བྱང་ཤར་ཁུལ་གྱི་མཐོ་སློབ་ཆེ་ཁག་ཏུ་ཡོད་ལ་ཁོང་ཚོས་ང་ཚོའི་སྙིང་དང་སེམས་ལ་ཚོད་འཛིན་བྱས་ཏེ་མང་གཙོའི་འགྲོ་ལུགས་ཡོངས་རྫོགས་བཙོག་པ་བཟོ་གི་ཡོད།
སྲིད་འཛིན་ཨོ་བྷ་མས་རྒྱ་ནག་གི་སྲིད་འཛིན་ཞི་ཅིང་ཕིང་གི་ཁ་གཏད་དུ་ལང་འདོད་མེད་ཀྱང་ང་ཚོས་ཁོང་གི་སྤྱོད་ཚུལ་ལྟ་བུ་རྒྱལ་ཁབ་གཞན་གྱི་དབུ་ཁྲིད་རྣམས་ཀྱང་རྒྱ་ནག་གཞུང་གི་མངོན་འདོད་སྐོང་བའི་སྤྱོད་ངན་འདིལྟ་བུ་བྱེད་དུ་འཇུག་མི་ཉན་པ་ཞིག་རེད།  ངས་བོད་རིགས་སྤུན་ཟླ་ཡོངས་ལ་ཕུལ་བའི་ཞུ་ཡིག་དང་།  འདིར་བཤད་པའི་སྐད་ཆ་དེ་དག་གིས་ང་ཚོ་གནོད་འཚེ་ཕོག་མཁན་ཚང་མ་མཐུན་སྒྲིལ་གྱིས་ནུས་པ་མཉམ་དུ་སྤུངས་ཏེ་རྒྱ་ནག་གི་ཆབ་སྲིད་ལམ་ལུགས་ལ་ངོ་རྒོལ་བྱེད་དགོས་པའི་འབོད་སྐུལ་བྱེད་བཞིན་ཡོད།  ང་ཚོ་ཚང་མ་འཐབ་རྩོད་པ་ཞིག་བྱེད་ཆོག་གི་རེད།  ང་ཁེར་རྐྱང་འཐབ་རྩོད་པ་ཞིག་མིན།  རྒྱ་རིགས་གསར་འགོད་པ་གྲགས་ཅན་སུའུ་ཞའོ་ཁང་(Su Xiaokang)གིས་བོད་མི་དང་།  རྒྱ་རིགས།  ཡུ་གུར་བ།ཧོང་ཀོང་པ།  ཐའི་ཝན་པ།  སོག་པོ་བཅས་མཉམ་རུབ་ཀྱིས་གདོང་ལེན་བྱེད་དགོས་པའི་ཛ་དྲག་འབོད་བསྐུལ་བྱས་ཡོད།
ང་ཚོ་མི་རེ་ངོ་རེ་ཕྱིར་ཐོན་ཏེ་མཐུན་སྒྲིལ་གྱི་ངོ་བོར་ག་དུས་གཅིག་ཏུ་འགྱུར་བ་དང་།  ང་ཚོས་ལས་ཁུངས་གི་རྣམ་པའི་ཐོག་ནས་མཐུན་སྒྲིལ་གྱི་ཕྱོགས་སུ་ལས་དོན་ཅི་ཞིག་ཡིན་ཡང་བསྒྲུབ་ཆོག་གི་རེད།  དེ་ཡིས་ང་ཚོ་སྟོབས་ཤུགས་ཅན་ཞིག་ཏུ་འགྱུར་ཐུབ་ཀྱི་རེད།  ང་ཚོས་གང་ཞིག་ཡིན་ཡང་འགྱུར་ལྡོག་ཡོང་བ་བཟོ་ཐུབ།  ང་ཚོ་ལ་འགྱུར་ལྡོག་དེ་འདྲ་ཡོང་བ་ལ་དངུལ་ཁང་ཆེ་ཁག་དང་།  ཚོང་རིགས་མི་སྣ།ཆབ་སྲིད་མི་སྣ་བཅས་ཀྱིས་བཤད་པ་ལ་མི་ལྟོས་པར་ང་ཚོ་ལ་ཅི་ཞིག་དགོས་པ་ང་ཚོས་སྒྲུབ་ཐུབ།
དེང་སང་ཨ་རིའི་སྤྱི་ཚོགས་འདི་ནི་བརྩེ་སེམས་ལས་ལྡོག་ཏེ་འཇིགས་སྣང་གི་སྤྱི་ཚོགས་ཤིག་ཆགས་ཡོད་ལ་མི་ཚང་མས་རྒྱ་ནག་གི་གྱོན་གོས་མེད་པའི་གོང་མ་དང།  ཤོག་བུའི་སྟག ཤོག་བུའི་འབྲུག་དེ་དག་གཡོ་སྒྱུའམ་རྫུས་མ་ཞིག་ཡིན་པ་ཤེས་བཞིན་དུ་ཁས་ལེན་བྱེད་རྒྱུར་འཇིགས་སྣང་ཡོང་གི་ཡོད།  ད་དུང་ཡང་ཨ་རི་བ་རྣམས་རྒྱ་ནག་གི་སྟོབས་ཆེན་མིང་གྲགས་ལ་འཇིགས་སྣང་ཡོང་གི་ཡོད་པ་མ་ཟད།  ཁོང་ཚོ་རང་ཉིད་ཀྱི་ཚོང་དང།  རྒྱ་ནག་ལ་གུང་སེང་དུ་འགྲོ་རྒྱུའི་མཐོང་མཆན་རགས་ཐབས་ལ་དམིགས་ཏེ་དེ་དག་ཁྲོམ་བསྒྲགས་བྱེད་ཀྱི་མེད།  རྒྱ་ནག་གིས་འཛམ་གླིང་ལ་མགོ་སྐོར་དང་།  གཡོ་བྱུས་ཀྱི་ཐབས་ཤེས་ལ་བརྟེན་ནས་རྒྱ་ནག་འདི་བཞིན་སྟོབས་ཆེན་རྒྱལ་ཁབ་ཞིག་ཡིན་པ་འཛམ་གླིང་ཡིད་ཆེས་སུ་འཇུག་གི་ཡོད།  འདི་ནི་འཛམ་གླིང་ཡོངས་རྫོགས་དབང་དུ་བསྡུས་པ་ལྟ་བུ་ཞིག་རེད།
སྟབས་མི་ལེགས་པ་ཞིག་ལ་རྒྱ་ནག་གཞུང་གིས་བཙན་དབང་གི་འཛམ་གླིང་ཡིད་ཆེས་སུ་འཇུག་གི་ཡོད།  བོད་ཀྱི་བདག་པོ་བོད་མི་ཡིན།  བོད་ནི་ནམ་ཡང་རྒྱ་ནག་གི་ཆ་ཤས་ཤིག་མིན།  རྒྱ་ནག་གི་བདག་པོ་རྒྱ་མི་རིགས་ཡིན།  ཀྲུང་ཧྭ་མི་མང་སྤྱི་མཐུན་རྒྱལ་ཁབ་འདི་ནི་མི་མང་ལ་དབང་བ་ཞིག་རེད། ཧོང་ཀོང་གི་བདག་པོ་ཧོང་ཀོང་བ་ཡིན།   ཐཱེ་ཝན་ནི་རང་བཙན་གྱི་རྒྱལ་ཁབ་ཞིག་རེད།  ཡུ་གུར་དང་ལྷོ་སོག་པོ་ཁོང་ཚོར་ཡང་རང་བཙན་འཐོབ་འོས་པ་ཞིག་རེད།
རྒྱ་ནག་གི་སྲིད་བློན་ལི་ཁེ་ཆིང་(Li keqiang)གིས་ཟླ་བ་༣པའི་ཚེས་༤ཉིན་རྒྱ་ནག་མི་མང་འཐུས་མི་ཚོགས་ཆེན་ལོ་འཁོར་ཚོགས་འདུའི་ཐོག་བཤད་པའི་གཏམ་བཤད་ནང་རྒྱ་ནག་གིས་ཐཱེ་ཝན་གྱི་རང་བཙན་ལས་འགུལ་ལ་ག་དུས་ཡིན་ཡང་ངོ་རྒོལ་བྱེད་ཀྱི་ཡོད་ཅེས་བརྗོད་ཡོད།  ཁོས་འདི་འདྲ་བརྗོད་དགོས་དོན་ཅི་ཡིན་ནམ།  གང་ཡིན་ཟེར་ན་ཐཱེ་ཝན་ནི་ཕྱི་ལོ་ ༡༩༤༩ ནས་བཟུང་རང་བཙན་རྒྱལ་ཁབ་ཞིག་ཡིན་པ་ཁོས་གསལ་པོ་ཤེས་ཀྱི་ཡོད་པས་ཡིན།  ཁོང་ཐཱེ་ཝན་གྱི་རང་བཙན་ལ་ཞེད་པ་ཡིན་ནམ་ཡང་ན་ཀྲུང་ཧྭ་མི་མང་སྤྱི་མཐུན་རྒྱལ་ཁབ་འདི་ཐཱེ་ཝན་མི་མང་གི་བྱ་སྤྱོད་ཀྱི་མིག་དཔེ་ལ་ཞེད་པ་ཡིན་ནམ།
ཕྱི་ཟླ་༣པའི་འགོ་སྟོད་ནང་ཧོང་ཀོང་གི་སློབ་གྲྭ་ཆེ་མོས་སྣེ་འཁྲིད་དེས་ཧོང་ཀོང་མི་མང་ཐཱེ་ཝན་གྱི་རང་བཙན་ལ་རྒྱབ་སྐྱོར་བྱེད་མཁན་གསུམ་པ་ཞིག་ཆགས་ཡོད་པ་གསལ་སྟོན་བྱས་ཡོད།  དེ་ནི་ཕྱི་ལོ་༡༩༩༤ནས་བཟུང་ཁ་གྲངས་མང་ཤོས་ཤིག་ཆགས་པ་ཧོང་ཀོང་མི་མང་གི་བརྒྱ་ཆ་༣༦གིས་མོས་མཐུན་བྱས་ཡོད།  འདས་པའི་ཟླ་བ་ཁ་ཤས་ནང་ཧོང་ཀོང་གི་མི་མང་ཇེ་མང་ནས་ཇེ་མང་གིས་རང་བཙན་གྱི་ཆེད་དུ་བགྲོ་གླེང་དང་། བསམ་ཚུལ་ཁྱབ་སྤེལ་བྱས་པ་མ་ཟད་གཞུང་ལུགས་དང་དངོས་ཐོག་གི་ཐབས་ལམ་དང་མཐུན་པའི་སྒོ་ནས་རང་བཙན་གྱི་ཆེད་དུ་ལས་ཀ་བྱེད་བཞིན་ཡོད།    
འདི་ནི་ཆར་གདུགས་གསར་བརྗེ་(Umbrella Revolution)ལས་བྱུང་བའི་མེ་སྟག་གི་འཕེལ་ཕྱོགས་གསར་པ་ཞིག་རེད།  སློབ་ཕྲུག་གཙོ་བོར་གྱུར་བའི་ངོ་རྒོལ་བ་མང་པོས་པེ་ཅིང་གིས་དོན་ངོ་མའི་ཡོངས་ཁྱབ་ཀྱི་འོས་བསྡུའི་ཐོབ་ཐང་ཞིག་སྤྲོད་ཀྱི་རེད་དམ་སྙམ་པའི་དོགས་གནད་ཡོང་གི་ཡོད།  ཉེན་རྟོག་པས་རྡུང་རྡེག་བཏང་བ་དང།  མིག་ཆུའི་དུག་རླངས།  མིག་ཚ་བྱེད་ཀྱི་རྫས་གཏོར་བ་འདི་ཡིས་མི་མང་པོ་ཞིག་རྨོངས་གཉིད་ལས་བསད་པ་མ་ཟད་རྨི་ལམ་དང་ལོ་འགའ་ཤས་སྔོན་ལ་ཡང་འཁོར་མི་ཐུབ་པའི་ཐབས་ལམ་མང་པོ་ཞིག་དྲན་དུ་བཅུག་ཡོད།  ཧོང་ཀོང་ནང་ལ་ག་རེ་བྱུང་བ་འདི་ཡིས་ཐཱེ་ཝན་ཐོག་ལ་ད་ལྟ་ནས་ཐད་ཀར་ཤུགས་རྐྱེན་ཐེབས་ཡོད།  སྤྱི་ཟླ་བཅུ་གཅིག་པའི་ནང་པེ་ཅིང་གི་མཐུན་ཕྱོགས་གོ་མིན་ཏང་ཚོགས་པ་(Kuo min tang)ས་གནས་ཀྱི་འོས་ཤོག་ལས་མང་གཙོ་ཚོགས་པས་ཕམ་ཉེས་སུ་བཏང་བ་དང་སྤྱི་ཟླ་བཅུ་གཉིས་པའི་ཟླ་དཀྱིལ་ནང་ང་ཐཱེ་ཝན་གྱི་རྒྱལ་ས་ཐའེ་པེ་ལ་(Taipei)ལྟ་སྐོར་དུ་བསྐྱོད་སྐབས་འདི་གའི་ཡུལ་མི་རྣམས་ཀྱིས་མང་གཙོ་ཚོགས་པས་ཐཱེ་ཝན་མི་མང་གིས་གལ་སྲིད་གོ་མིན་ཏང་ཚོགས་པ་ལ་འོས་ཤོག་འཕེན་ཚེ་ཐཱེ་ཝན་འདི་བཞིན་མ་འོངས་པར་ཧོང་ཀོང་ལྟ་བུར་འགྱུར་གྱི་རེད་ཅེས་པའི་འབོད་ཚིག་ལས་གོ་མིན་ཏང་ཕམ་ཉེས་སུ་བཏང་བའི་སྐོར་ང་ལ་བཤད་བྱུང་།
དེང་སང་གི་ཧོ་ཀོང་དེ་གློ་བུར་ཉམས་རྒུད་དུ་ཕྱིན་ཏེ་བོད་ལྟ་བུར་འགྱུར་བཞིན་ཡོད།  ལོ་སྔོན་མའི་ཟླ་བ་བཅུ་གཉིས་པའི་ཆར་གདུགས་གསར་བརྗེའི་སྐབས་ངས་བོད་ཀྱི་རྒྱལ་དར་བསྒྲེངས་བ་དང་འཕྲལ་དུ་དེ་གའི་ཡུལ་རྣམས་ཀྱིས་རྒྱལ་དར་དེ་བོད་ཀྱི་ཡིན་པ་ཤེས་ཏེ་ང་ཚོ་བོད་ལྟར་འགྱུར་འདོད་མེད་ཅེས་ང་ལ་བརྗོད་བྱུང།
རྒྱ་ནག་གཞུང་འདི་གདུག་རྩུབ་ཆེ་བའི་དབང་གིས་མི་མང་ཇེ་མང་ནས་ཇེ་མང་གཞུང་དང་མཉམ་དུ་གྲོས་མོལ་བྱེད་རྒྱུའི་བསམ་བློ་དོར་དགོས་པའམ་ཡང་ན་རྒྱལ་སྤྱིའི་ཆབ་སྲིད་སྤྱོད་ཚུལ་ལ་བཅོས་སྒྱུར་ཡོང་རྒྱུར་རེ་སྒུག་བྱེད་བཞིན་ཡོད།  ང་ཚོ་གནམ་བདེ་སྒོ་མོའི་སློབ་ཕྲུག་རྣམས་ཀྱིས་ལོ་ངོ་ཉི་ཤུ་རྩ་དྲུག་གོང་ནས་སློབ་གསོ་དེ་ཁག་པོ་ཞིག་ཡིན་པ་ཤེས་རྟོགས་བྱུང་ཡོད།  ཟླ་བ་གཉིས་ཙམ་རིང་ང་ཚོས་ཟད་བཅད་ངོ་རྒོལ་དང་།  གོམ་བགྲོད།  མི་མང་འདུ་འཛོམས་བྱས་ཀྱང་གཞུང་དང་མཉམ་དུ་གྲོས་བསྡུར་ག་རེ་བྱེད་རྒྱུ་ཡོད་ཅེས་འདྲི་རྒྱུའི་ཚབ་ཏུ་ང་ཚོར་སྡེབ་གསོད་བཏང་ཡོད།  རྒྱུ་མཚན་དེའི་ཕྱིར་གྲོས་མོལ་ཟེར་བ་ནམ་ཡང་ཡོང་ཐབས་མེད་པ་ཞིག་རེད།
ཧོང་ཀོང་གི་སློབ་ཕྲུག་རྣམས་ཀྱིས་ཟླ་བ་གཉིས་ལྷག་རིང་སྲང་ལམ་སྟེང་དུ་སྒར་རྒྱབ་སྟེ་ཟས་བཅད་ངོ་རྒོལ་བྱས་པར་བརྟེན་ཉེེེེེན་རྟོག་པས་ཁྲིམས་མེད་ལུགས་མེད་ཀྱིས་ཉེས་རྡུང་ཚབ་ཆེན་བཏང་ཡོད།  ཁོང་ཚོ་མང་ཆེ་བ་མཐོ་སློབ་ཀྱི་སློབ་ཕྲུག་གཞོན་ནུ་ཤ་སྟག་ཡིན་ལ་རེ་འགའ་ང་ཚོ་གནམ་བདེ་སྒོ་མོའི་སློབ་ཕྲུག་ལས་ཀྱང་ཆུང་བ་འདུག། ཧོང་ཀོང་གི་ངོ་རྒོལ་བ་རྣམས་ཀྱིས་ཉེན་རྟོག་པས་བཙལ་སྐུལ་གྱི་ངོ་རྒོལ་བྱེད་སའི་ས་ཆ་འདི་ལས་ཕྱིར་མ་བཏོན་གྱི་བར་དུ་ད་དུང་ཡང་ཁོང་ཚོས་པེ་ཅིང་གིས་དོན་ངོ་མའི་ཡོངས་ཁྱབ་ཀྱི་འོས་བསྡུའི་ཐོབ་ཐང་ཞིག་སྤྲོད་པའི་ཁས་ལེན་དེ་མཐར་འཁྱོལ་ཡོང་རྒྱུར་རེ་བ་བྱས་ཏེ་བསྡད་ཡོད།  ཡིན་ཡང་སློབ་ཕྲུག་གི་འགོ་ཁྲིད་དེ་དག་གཞུང་འབྲེལ་གྱི་དཔོན་རིགས་དང་མཉམ་དུ་པེ་ཅིང་ལ་གྲོས་མོལ་བྱེད་དུ་འགྲོ་རྒྱུའི་འཆར་གཞི་ཡོད་ཀྱང་ཐ་ན་ཁོང་ཚོ་གནམ་གྲུའི་ནང་དུའང་འཛུལ་དུ་བཅུག་མེད།
ཧོང་ཀོང་གིས་ཉེན་རྟོག་པས་ང་ཚོ་ཆར་གདུགས་གསར་བརྗེ་ལས་ཕྱིར་ཕུད་བྱས་ཏེ་ངོ་རྒོལ་བྱེད་སའི་ས་ཆ་གཙང་མ་བཟོ་ཐུབ་ཀྱང་།  ཁོང་ཚོས་ང་ཚོའི་སྙིང་སྟོབས་ནམ་ཡང་གཅོག་ཐུབ་ཀྱི་མ་རེད་ཅེས་ངོ་རྒོལ་བ་མང་ཆེ་བས་ང་ལ་བཤད་བྱུང།  ལོ་སྔོན་མའི་ཟླ་བ་བཅུ་གཉིས་པའི་ནང་ཧོང་ཀོང་གི་ཉེན་རྟོག་པས་ངོ་རྒོལ་བྱེད་སའི་ས་ཆ་ཆེ་ཤོས་དེ་དག་གཙང་མ་བཟོས་ཏེ་ཆར་གདུགས་གསར་བརྗེ་ཡོངས་སུ་འཇུག་བསྒྲིལ་བྱས་ཀྱང་ངོ་རྒོལ་བའམ་མི་མང་ལ་ཞི་བའི་ཚོགས་པ་དེ་དག་གིས་སེམས་འགུལ་ཐེབས་སུ་བཅུག་སྟེ་གསར་བརྗེ་མུ་མཐུད་ནས་གནས་སུ་བཅུག་ཡོད།  མི་མང་དེ་དག་ནི་བསམ་བློ་ཡར་ཐོན་ཅན་གྱི་ཆེད་ལས་པ་དང་།  ཁྲིམས་རྩོད་པ་གྲགས་ཅན། དངུལ་ཁང་དོ་དམ་པ།  གསར་འགོད་པ་བཅས་ལས་གྲུབ་པ་ཞིག་ཡིན།  སྤྱི་ཁྱབ་ལས་ཁུངས་དང་ཁྲིམས་བཟོ་ལྷན་ཁང་གི་གཞུང་ལམ་གཡས་གཡོན་མི་མང་ཕོན་ཆེན་པོས་བདག་བཟུང་བྱས་ཏེ་བསྡད་ཡོད།
ཁོང་ཚོ་གུར་ནང་དུ་གནས་སྡོད་བྱས་ཏེ་དུས་ཡུན་རིང་པོ་སྡོད་རྒྱུའི་འཆར་གཞི་ཡོད་པ་རེད།  ལོ་ན་དགུ་བཅུ་ལ་སོན་པའི་ངོ་རྒོལ་བ་ཆེ་ཤོས་མིང་འདོགས་ཝང་(Wong)ཡིན་པ་ཁོང་གིས་དཔྱིད་གསར་དུས་ཆེན་ཡང་གུར་གི་ནང་དུ་བཏང་ཡོད།  དམར་ཤོག་གི་དཔུང་དམག་རྒྱ་ནག་ནང་དུ་འབྱོར་བའི་རྗེས་སུ་ཝང་ཁོང་(wong)བྲོས་བྱོལ་དུ་ཕྱིན་ཡོད།  གང་ཡིན་ཟེར་ན་ཁོང་གིས་རང་དབང་གི་རིན་ཐང་གསལ་པོ་ཤེས་པས་རེད།  ཁོང་ཚོ་ལ་ངེས་པར་དུ་ང་ཚོའི་རྒྱབ་སྐྱོར་དགོས་ཀྱི་ཡོད།  ངོ་དེབ་བམ་སྤྱི་ཚོགས་ཀྱི་བརྒྱུད་ལམ་གཞན་བརྒྱུད་ནས་ཁོང་ཚོར་འཕྲིན་ཐུང་གཏོང་རོགས་ཞུ། ཐུགས་རྗེས་གཟིགས། ཧོ་ཀོང་གི་གནམ་ཐང་ལ་འགྲོ་རྒྱུའི་མཐོང་མཆན་རག་རྒྱུ་དེ་ནི་ཧ་ཅང་གི་ལས་སླ་པོ་ཞིག་ཡིན་པ་དང་།  གལ་སྲིད་གནམ་ཐང་ནས་གྲོང་ཁྱེར་ལ་འགྲོ་ཐུབ་ཚེ་ཁོང་ཚོར་འཚམས་འདྲི་བྱས་པ་དང་ཁོང་ཚོས་སྐུ་ཉིད་མཇལ་བ་དང་དགའ་ཚོར་བྱེད་ཀྱི་རེད།  ཧོང་ཀོང་གི་མཁས་དབང་དང་རླུང་འཕྲིན་རྒྱང་སྲིང་བྱེད་མཁན་ཞི་བའི་ཚོགས་པ་སྣེ་ཁྲིད་པས་ཉེ་ཆར་ངའི་ངོ་དེབ་ཐོག་ཡོངས་གྲགས་ཀྱིས་རོ་སི་ལགས་ཁྱེད་ག་དུས་ཕྱིར་ལོག་ཡོང་གི་ཡིན་ནམ་ཞེས་བྲིས་འདུག་པ་དང་།  ངས་ལོ་འདིའི་ནང་ཡོང་གི་ཡིན་ཞེས་ལན་འདེབས་བྱས་པ་ཡིན།   ཁོང་གིས་ཁྱེད་ག་དུས་ཕྱིར་ལོག་ཡོང་བ་དང་བོད་ཀྱི་ཆེད་དུ་ཅི་ཞིག་ཡིན་ཡང་བྱེད་རོགས་གནང་ཞེས་བྲིས་འདུག།།
ཧོང་ཀོང་དང་དབྱིན་ཇི་མཉམ་འབྲེལ་གྱིས་གསལ་བསྒྲགས་བྱས་པའི་གཞི་རྩའི་ཁྲིམས་ལུགས་ལ་དོ་སྣང་ཞིག་བྱས་ན་དེ་དག་ནི་ཤོག་བུ་གཅིག་པུའི་སྟེང་དུ་འཁོད་པའི་ཁྲིམས་ཙམ་ཞིག་རེད་ལ་རྒྱ་ནག་གི་རྩ་ཁྲིམས་ཡང་དེ་བཞིན་རེད།  རྒྱ་ནག་གི་རྩ་ཁྲིམས་དོན་ཚན་སུམ་ཅུ་སོ་གསུམ་པའི་ནང་ཁྲིམས་ཀྱི་མདུན་དུ་ཀྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་ཆབ་འབངས་ཚང་མ་འདྲ་མཉམ་ཡིན་པ་འཁོད་ཡོད་ལ།  དོན་ཚན་སོ་བཞིའི་ནང་ཀྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་ཆབ་འབངས་ཚང་མ་ལོ་ན་བཅོ་བརྒྱད་སོན་པ་དང་འོས་བསྡུར་ལངས་ཏེ་འོས་འཕེན་ཆོག་ལ།  དོན་ཚན་སོ་ལྔའི་ནང་ཆབ་འབངས་ཚང་མར་སྨྲ་བརྗོད་རང་དབང་དང།  གསར་འགོད་རང་དབང་།  འདུ་འཛོམས་རང་དབང་།  ཚོགས་པ་འཛུག་ཆོག་པའི་རང་དབང།  ཁྲོམ་སྐོར་བྱེད་ཆོག་པའི་རང་དབང་ཡོད་པ་བཅས་འཁོད་ཡོད།  དོན་ཚན་སོ་དྲུག་པའི་ནང་དུ་ཆབ་འབངས་ཚང་མར་ཆོས་ལུགས་ལ་དད་པ་བྱེད་ཆོག་པའི་རང་དབང་ཡོད་པ་གསལ་ཡོད།
གལ་སྲིད་རྒྱ་ནག་གཞུང་གིས་བོད་འདི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཆ་ཤས་ཤིག་ཡིན་པ་ནན་བརྗོད་བྱེད་ཀྱི་ཡོད་ན་ད་དུང་ཡང་བོད་ལ་ལྟ་སྟངས་ངན་པ་འདི་འདྲ་འཛིན་དགོས་དོན་ཅི་ཡིན་ནམ།  བོད་མི་རྣམས་རྒྱ་ནག་ལ་འགྲོ་རྒྱུའི་མཐོང་མཆན་དང་།  བོད་ནང་ལ་འཛུལ་རྒྱུའི་ལག་ཁྱེར་རག་རྒྱུ་ཁག་པོ་འདི་འདྲ་ཅིའི་ཕྱིར་ཡིན་ནམ།  ད་དུང་ཡང་བོད་མི་རྣམས་ལ་མཐོང་མཆན་དགོས་དོན་ཅི་ཡིན་ནམ།  རྒྱ་ནག་གཞུང་གིས་རྩ་ཁྲིམས་དེ་དག་ལ་ཆ་འཇོག་མི་བྱེད་པའམ་བརྩི་མེད་ག་ཚོད་གཏོང་གི་ཡོད་པ་ང་ཚོས་ཤེས་རྟོགས་ཐུབ་ཡོད།
ཕྱི་ལོ་༡༩༨༩ནང་ང་གཙོས་པའི་ངོ་རྒོལ་བ་མང་པོས་རྩ་ཁྲིམས་དེ་ལ་ལེགས་བཅོས་ཡོང་རྒྱུར་འབོད་སྐུལ་བྱས་ཡོད།  ང་ཚོའི་དྲང་བདེན་དང་།  རང་དབང་དེ་དག་གསར་འགྱུར་དང་དེབ་ནང་དུ་ཡོད་ནའང་རྒྱ་ནག་དམར་པོའི་སྲིད་གཞུང་གིས་ལག་ལེན་ཐོག་རྩ་བ་ནས་འཁྱེར་ཐུབ་ཀྱི་མེད།  རྒྱ་ནག་གཞུང་རང་ཉིད་ཀྱང་རྩ་ཁྲིམས་ཀྱི་རྗེས་སུ་མི་འབྲང་བར་གཞུང་གི་རྩ་ཁྲིམས་ཀྱི་སྒྲོམ་གཞིའི་ནང་དུ་གྲུབ་འབྲས་ཡོང་རྒྱུར་པེ་ཅིང་དང་མཉམ་དུ་གྲོས་མོལ་ཅིའི་ཕྱིར་བྱེད་དགོས་སམ།
རྒྱ་ནག་གཞུང་དང་ལྟ་བ་མི་མཐུན་མཁན་ལ་དྲག་གནོན་དང་བཀག་འགོག་བྱེད་རྒྱུ་དེ་ནི་དེ་སྔ་ལས་སྡུག་ཏུ་ཕྱིན་ཡོད།  སྲིད་འཛིན་ཞི་ཅིང་ཕིང་གི་འོག་ལ་ཡོད་པའི་རྒྱ་ནག་གིས་ཡང་དག་པའི་བཅོས་སྒྱུར་གཏོང་འདོད་མེད་པ་མ་ཟད་སོ་སོའི་རྒྱལ་ཁབ་འདི་ཁྲིམས་དང་མཐུན་པའི་སྒོ་ནས་འཛིན་སྐྱོང་བྱེད་རྒྱུའི་དམ་བཅའ་བཞག་པ་རྣམས་ཀྱང་དོན་ཐོག་ཏུ་ཐུབ་ཀྱི་མེད་པར་ལམ་སེང་གཡོལ་ཐབས་བྱེད་བཞིན་ཡོད།  ཅེས་རྒྱ་ནག་གི་འགྲོ་བ་མིའི་ཐོབ་ཐང་ལྟ་སྐྱོང་བྱེད་མཁན་གྱིས་འགན་འཛིན་སོ་ཕིས་རི་ཆར་ཌི་སོན་(sophie Richardson)གྱིས་བརྗོད་ཡོད་པ་མ་ཟད།  ད་དུང་ཁོང་གིས་རྒྱ་ནག་འདི་འདས་པའི་ལོ་ངོ་བཅུ་ཕྲག་ཁ་ཤས་ནང་དྲག་གནོན་བྱེད་མཁན་སྡུག་ཤོས་ཤིག་ཆགས་པ་དེ་ནི་ང་ཚོའི་སྡུག་བསྔལ་ནམ་ཡང་རྫོགས་རྒྱུ་མེད་པ་འདྲ་བོ་ཞིག་ཡིན་ནམ་སྙམ་པའི་སྣང་བ་སྟེར་ཞེས་བརྗོད་ཡོད།
ཟླ་བ་༣པའི་ཚེས་༨་རྒྱལ་སྤྱིའི་བུད་མེད་སྒེར་ལངས་ཀྱི་ཉིན་གཉིས་སྔོན་དུ་རྒྱ་ནག་གི་ཉེན་རྟོག་པས་གྲོང་ཁྱེར་མང་པོའི་མང་ཚོགས་སྐྱེལ་འདྲེན་བྱེད་སའི་ལྟེ་གནས་ཁག་ཏུ་ཆགས་སྤྱོད་ཀྱི་བརྙས་བཅོས་བྱས་པར་ཤེས་ཡོན་གྱིས་ཐོག་ནས་སྔོན་འགོག་ལས་འགུལ་འགོ་འཛུག་བཞིན་པའི་སྐབས་སུ་བུད་མེད་ཀྱི་ཐོབ་ཐང་རྩོད་མཁན་བཅུ་འཛིན་བཟུང་བྱས་པ་མ་ཟད་གཞོན་ནུ་མ་ལྔ་ད་དུང་ཡང་བཀག་ཉར་འོག་གནས་ཡོད་པ་རེད།  འཁྲུགས་རྩོད་སློང་བའི་སྐྱོན་འཛུགས་དང་དཀའ་སྡུག་གིས་རྒྱུ་རྐྱེན་འོག་ཏུ་སླར་ཡང་རིག་གནས་གསར་བརྗེ་དེ་ཡོང་གི་ཡོད།
འཛམ་གླིང་རྨོངས་གཉིད་ལས་བསད་ཏེ་དེ་ནི་ཧིཌ་ལར་སྐབས་ཀྱི་ཆབ་སྲིད་ཀྱི་ལམ་ལུགས་ཤིག་ཡིན་པ་ཤེས་རྟོགས་ཐུབ་པ་བྱེད་དགོས།  ཞི་ཅིང་ཕིང་ནི་ཧི་ཌི་ལེ་ལས་ཀྱང་སྡུག་པའི་མི་ཞིག་རེད།  ཡིད་བརྟན་མི་རུང་བའི་རེ་སྒུག་དང་རེ་འདོད་ཀྱི་སྟོང་བསམ་འདོར་བའི་དུས་ཚོས་ཤིག་ཡིན་པ་ངས་ནན་སྐུལ་བྱེད་ཀྱི་ཡོད།  གྲོས་བསྡུར་ཞུ་འབོད་བྱེད་རྒྱུའི་ཚབ་ཏུ་ང་ཚོའི་ཕ་ཡུལ་ཕྱིར་སློག་བྱེད་དགོས་པའི་དགོས་འདུན་ངེས་པར་དུ་འདོན་དགོས།       ང་ཚོས་འགོག་རྒོལ་གྱི་ཆེད་དུ་སྒེར་གྱི་ཚོགས་པ་བཙུགས་ནས་ཁོང་ཚོ་དང་མཉམ་དུ་འཚེ་བ་མེད་པའི་ཐོག་ནས་འཐབ་རྩོད་ངེས་པར་དུ་བྱེད་དགོས།འདི་ནི་ང་ཚོར་ལོ་རྒྱུས་རང་བཞིན་ལྡན་པའི་རླབས་ཆེན་གྱི་དུས་སྐབས་ཤིག་རེད།  གང་ཡིན་ཟེར་ན་རྒྱ་ནག་དམར་པོའི་སྲིད་གཞུག་གིས་ང་ཚོ་ཚང་མ་དགྲའ་བོའམ་ཡང་ན་ཕྱི་སྡོད་བོད་རིགས་རྣམས་དགྲ་བོའི་ནུས་ཤུགས་ཤིག་ཡིན་པ་མཐོང་གི་ཡོད་པ་མ་ཟད།  རྒྱལ་ནང་གི་བོད་རིགས་རྣམས་འཁྲུགས་རྩོད་སློང་མཁན་གྱི་ནག་ཉེས་པ་དང་དཀའ་ངལ་གྱི་རྒྱུ་རྐྱེན་ཞིག་ཡིན་པ་ཡང་མཐོང་གི་ཡོད།  ཁོང་ཚོས་ང་ཚོར་དམར་ཤོག་གི་ལྟ་བ་ཁས་ལེན་བྱེད་གོས་པའི་བཙན་ཤེད་ཀྱང་བྱེད་ཀྱི་ཡོད།
ཆུ་ཚོད་འགའ་ཤས་ཀྱི་སྔོན་དུ་ངས་ཀྲུའི་ཀྲར་(Twitter)སྟེང་དུ་རྒྱ་རིགས་རྣམས་ལ་ངའི་གཏམ་བཤད་འདིའི་ནང་ཅི་ཞིག་བཤད་དགོས་མིན་དྲིས་པར་མཐོ་རིམ་སློབ་མ་ཞིག་གིས་རྒྱ་ནག་གི་ཞིང་ཆེན་མི་འདྲ་བ་དང་ས་ཁུལ་མི་འདྲ་བའི་ནང་དུ་ང་ཚོར་སྒེར་གྱི་རང་བཙན་དགོས་འདོད་ཡོད་པ་བཤད་རྒྱུ་དྲན་པ་མ་བརྗེད་རོགས་ཞེས་བཤད་བྱུང།  རྒྱ་ནག་ནས་ཡིན་པའི་མི་ཞིག་གིས་ཀྲུའི་ཀྲར་སྟེང་དུ་ཡོངས་གྲགས་ཀྱི་ཡིག་ལན་ཞིག་བཏང་བའི་ནང་ལོ་རྒྱུས་དྲན་པ་བརྗེད་མི་ཉན་པ་མ་ཟད་བོད་རིགས་གྲོགས་པོ་རྣམས་ལ་ཁྱེད་ཚོས་རང་དབང་གི་ཆེད་དུ་འཐབ་རྩོད་བྱས་པ་ང་ཚོས་ཤེས་ཀྱི་ཡོད་ཅེས་བརྗོད་རོགས་ཞེས་ཀྱང་བཤད་བྱུང་།  དེང་སང་གི་རྒྱ་རིགས་མི་མང་རྣམས་རྒྱ་ནག་གཞུང་གིས་མགོ་སྐོར་གཏོང་བདེ་པོ་དེ་འདྲ་རྩ་བ་ནས་མེད།  ང་ཚོ་རིམ་པས་རྨོངས་གཉིད་ལས་བསད་ཀྱིན་ཡོད།  འདི་ནི་མ་འོངས་པའི་རྒྱ་ནག་འདི་སུ་ལ་དབང་བ་འདི་རེད།  ང་ཚོ་ཚང་མས་འཐབ་རྩོད་ག་དུས་མཉམ་དུ་བྱེད་འགོ་ཚུགས་པ་དེ་ནི་རྒྱ་ནག་དམར་པོའི་སྲིད་གཞུང་དེ་བཞིན་ཉམས་ཆག་ཏུ་འགྲོ་བའི་ཉིན་མོ་ཞིག་རེད།  དེང་སང་གི་རྒྱ་ནག་འདི་ནི་ནམ་མ་ལངས་གོང་གི་དུས་སྐབས་བཞིན་མུན་ནག་ཅན་ཞིག་ཡིན།  ང་ཚོས་ཞོགས་པའི་ཉི་གཞོན་གྱི་འོད་ཟེར་འཕྲོ་རྒྱུར་རེ་འདོད་ཀྱི་ངང་ནས་སྒུག་བཞིན་ཡོད།  ང་ཚོ་ལག་གདང་སྦྲེལ་ཏེ་མཉམ་ལས་བྱེད་དགོས། 
ང་ཚོས་ཚུལ་མཐུན་གྱིས་སྒོ་ནས་ཁོང་ཚོ་ལ་ཞུ་འབོད་བྱེེད་རྒྱུའི་ཚབ་ཏུ་འགྲོ་བ་མིའི་གཞི་རྩའི་ཐོབ་ཐང་དང་རང་བཙན་ཕྱིར་སྤྲོད་བྱེད་དགོས་པའི་དགོས་འདུན་འདོན་དགོས།
ཁོང་ཚོ་དང་མཉམ་དུ་ཚུལ་མཐུན་གྱི་འབད་བརྩོན་ཡོང་ཐབས་མེད་པ་ཞིག་རེད་དེ་ནི་ཟང་ཟིང་དང་ཉེན་འཚབ་ཆེ་རུ་འགྲོ་གཞི་ཞིག་རེད། གང་ཡིན་ཟེར་ན་ཁོང་ཚོས་ཟང་ཟིང་དང་སྐྱུགས་བྲོ་པོ་ཞིག་ཏུ་བཟོས་ཟིན་པས་རེད།  བཙན་དབང་སྲིད་གཞུང་གི་འོག་ལ་བོད་རིགས་དང་།  རྒྱ་རིགས།  ཡུ་གུར་བ།  སོག་པོ་ས་ཡ་བཅུ་ཙམ་ཚེ་སྲོག་ཤོར་ཡོད།  ང་ཚོས་འཐབ་རྩོད་ཉར་བའི་ཐོག་ནས་རྒྱུན་བསྲིངས་ཀྱིས་འཐབ་རྩོད་བྱེད་དགོས།  བོད་རྒྱལ་ལོ།།
བསྒྱུར་མཆནརྩོམ་ཡིག་འདི་ནི་བོད་མིའི་རང་དབང་སྒེར་ལངས་ཐེངས་ལྔ་བཅུ་ང་དྲུག་པའི་ཉིན་ཨ་རིའི་མངའ་སྡེ་ཆི་ཁ་ཀོ་(Chicago)རུ་གཏམ་བཤད་བྱས་པའི་རྩོམ་ཡིག་ཅིག་ཡིན་ཞིང་ད། ལམ་ཁོ་མོས་རྩོམ་ཡིག་འདི་བོད་སྒྱུར་བྱེད་དགོས་པའི་རེ་སྐུལ་ཞུས་པ་ལྟར་འདིར་བོད་བསྒྱུར་ཞུས་ཡོད། །
མ་ཡིག་དྲ་ཚིག་ཁ་བྱང།  https://www.youtube.com/watch?v=kHf80GDUYQ0
                                                                                                               རྩོམ་པ་པོ། རོ་སེ་ཐང། རིགས་སློབ། མཚོ་སྒོ་འཇམ་དབྱངས་ཀྱིས་སྒྱུར།
འདས་པའི་མི་ལོ་ལྔ་བཅུ་ང་ལྔའི་རིང་རྒྱ་ནག་དམར་པོའི་སྲིད་གཞུང་གིས་བོད་ནང་བཙན་གནོན་བྱས་ཏེ་མི་རིགས་རྩ་མེད་བཟོས་པར། ངས་ཐོག་མར་བོད་རིགས་སྤུན་ཟླ་ཡོངས་ལ་སྙིང་ཁོངས་རུས་པའི་གཏིང་ནས་དགོང་སེལ་ཞུ་བ་དང་ཆབས་ཅིག་ང་དེ་རིང་འདིར་ཡོང་བ་འདི་ཚོགས་པའམ་ཡང་ན་མི་སྒེར་སུ་ཞིག་གི་ངོ་ཚབ་མིན་པར་སོ་སོ་རང་ངོས་ནས་བཅར་བ་ཞིག་ཡིན།   ལྡི་ལིར་རྔམ་སྟོན་ཁྲོམ་སྐོར་ཡོང་བའི་ལམ་བར་དུ་མི་ཚོགས་བརྒྱུད་ནས་འཇམ་དཔལ་ཡེ་ཤེས་ལགས་ཀྱི་ཕུང་པོའི་སྐུ་པར་དེ་དག་འགྲོ་བ་མིའི་དཔལ་འབར་གྱི་དཔའ་ངར་ཡིན་པ་ཤེས་པ་དང་ང་ཧ་ཅང་གིས་སེམས་སྐྱོ་བོ་བྱུང་། ཁོང་དང་རང་ལུས་མེར་སྲེག་གནང་མཁན་གཞན་ཚང་མའི་ཚེ་སྲོག་གིས་སྐྲུན་པའི་མེ་ལྕེ་རེ་རེས་བོད་ནང་དང། རྒྱ་ནག ཤར་ཏུར་ཀི་སི་ཐན། ལྷོ་སོག་པོ། ང་ཚུད་པའི་མི་མང་པོ་ཞིག་གི་མུན་པ་སེལ་ཡོད། བོད་མི་རྣམས་ཀྱིས་མི་ལོ་ལྔ་བཅུ་ང་ལྔའི་རིང་རེ་སྒུག་བྱས་ཡོད་ལ་རྒྱ་མི་རྣམས་ཀྱིས་ཀྱང་མི་ལོ་དྲུག་བཅུ་རེ་ལྔའི་རིང་རེ་སྒུག་བྱས་ཡོད། ང་ཚོས་དཀའ་སྡུག་ཆེན་པོས་ཡུན་རིང་རེ་སྒུག་བྱས་ཡོད། ང་ཚོས་མནར་གཅོད་ཀྱི་སྡུག་བསྔལ་ལ་ཐེ་ཚོམ་མེད་པར་ངེས་པར་དུ་ཡར་ལངས་བྱེད་དགོས། རྒྱ་ནག་དམར་པོའི་སྲིད་གཞུང་འདི་ངེས་པར་དུ་ཕྱིར་འབུད་བྱེད་དགོས། ཁོང་ཚོས་ཁྲིམས་འགལ་གྱི་ཐོག་ནས་བོད་དང་རྒྱ་ནག་ནང་ཡུན་རིང་བཙན་འཛུལ་བྱས་པ་མ་ཟད། ང་ཚོའི་ས་ཆ་དྲགས་ཤུགས་ཀྱིས་ཧམ་བཟུང་བྱས་ཡོད། ཁོང་ཚོས་དབང་ཆ་བེད་སྤྱད་དེ་དྲག་སྤྱོད་སྤེལ་ཡོད།  ཁོང་ཚོས་སྐྱག་རྫུན་མང་དག་ཞིག་གིས་ཐབས་ཇུས་ཐོག་ནས་རྒྱ་རིགས་རྣམས་ལ་ལྟ་བའི་སློབ་གསོ་རྒྱག་གི་འདུག་ཅེས་རྒྱ་རིགས་གཞོན་ནུ་ཞིག་གིས་ང་ལ་གསུངས་བྱུང། གདུག་རྩུབ་ཅན་གྱི་རྒྱལ་ཁབ་འདི་ཁ་བྲལ་དུ་གཏོང་བར་ཁྱེད་མོས་མཐུན་ཡོད་དམ།
བོད་ཀྱིས་རང་ལུས་མེ་སྲེག་གཞན་ཞིག་བློས་གཏོང་བྱེད་མི་འོས་པ་ཞིག་རེད།  རྒྱ་ནག་གིས་སྡེབ་གསོད་གཞན་ཞིག་བློས་གཏོང་བྱེད་མི་འོས་པ་ཞིག་རེད།  འཛམ་གླིང་གིས་འགྲོ་བ་མིའི་ཚེ་སྲོག་གཞན་ཞིག་བློས་གཏོང་བྱེད་མི་འོས་པ་ཞིག་རེད།  འགྲོ་བ་མིའི་རང་གཤིས་ལ་གཞི་བཞག་པའི་བདེན་པ་དང་དྲང་བདེན་ལ་འཐབ་རྩོད་བྱེད་རྒྱུར་དཀའ་ལས་ཁག་པོ་འདི་འདྲ་ཡོང་དགོས་དོན་ཅི་ཞིག་ཡིན་ནམ། རྒྱལ་སྤྱིའི་སྟེང་འཚེ་བ་དང་རྫུན་མ་དར་ཁྱབ་གཏོང་དགོས་དོན་ཅི་ཡིན། ད་དུང་མནར་གཅོད་ཀྱིས་སྡུག་བསྔལ་དེ་འདྲ་མྱོང་དགོས་དོན་ཅི་ཡིན་ནམ།
བོད་མི་རྣམས་ཀྱིས་འཇིགས་སུ་རུང་བའི་ཆབ་སྲིད་ཀྱི་ལམ་ལུགས་འདི་ལས་མི་ལོ་བཅུ་ཕྲག་ཁ་ཤས་རིང་ཚོགས་པ་ཆུང་ཆུང་ཞིག་གི་འཐབ་རྩོད་ཅིག་ལེགས་གྲུབ་ཡོང་བ་ལ་སྙིང་རུས་དང་གདོང་ལེན་གང་འདྲ་བྱས་མིན་རྒྱལ་སྤྱིའི་སྟེང་དུ་མིག་དཔེ་བསྟན་ཡོད་། བཙན་ཤེད་ཀྱིས་མིའི་སྙིང་སྟོབས་ནམ་ཡང་གཅོག་མི་ཐུབ་པ་མ་ཟད་ནམ་ཡང་རྣམ་པར་རྒྱལ་མི་ཐུབ། གང་ཡིན་ཞེ་ན་བདེན་པ་དང་དྲང་བདེན་ནི་འདི་ལས་ནུས་པ་མཆོག་ཏུ་གྱུར་བ་མ་ཟད་དར་ཁྱབ་དུ་འགྲོ་གི་རེད།
ད་ཆ་ཧོང་ཀོང་ནང་གི་མང་གཙོའི་ལས་འགུལ་དེ་ནི་མི་རབས་རྗེས་མ་རྣམས་ཀྱིས་མི་རབས་གོང་མའི་རྗེས་མཐུད་དེ་དམར་པོའི་གདུག་རྩུབ་ལ་མི་མང་སྒེར་ལངས་བྱེད་ཀྱི་ཡོད་པ་ང་ཚོས་ཤེས་ཀྱི་ཡོད།       ཧོང་ཀོང་ལ་ཁྱེད་ཀྱི་རྒྱབ་སྐྱོར་གནང་རོགས། ཐུགས་རྗེ་གཟིགས། ཕྱི་ལོ་༡༩༩༧ལོའི་ནང་ང་གྲོང་ཁྱེར་ནང་གནས་སྤོ་བྱས་པའི་ཟླ་ཤས་སྔོན་ལ་དབྱིན་ཇི་གཞུང་གིས་ཧོང་ཀོང་རྒྱ་ནག་ལ་ཕྱིར་སྤྲོད་བྱས་པ་དང་དེར་ངོ་རྒོལ་ཏོག་ཙམ་བྱུང་ཡོད། ས་གནས་ཀྱི་མི་དམངས་མང་ཆེ་བ་མ་འོངས་པའི་འགྱུར་ལྡོག་འདི་ལ་དོགས་པ་སྐྱེས་ཡོད། ཡིན་ཡང་པེ་ཅིང་ཕྱོགས་ནས་ཧོང་ཀོང་གི་རྩ་ཁྲིམས་དང་མཐུན་པའི་གཞི་རྩའི་ཁྲིམས་སྲུང་སྐྱོབ་བྱེད་རྒྱུའི་ཁས་ལེན་ལ་འགྱུར་ལྡོག་མི་ཡོང་བའི་རེ་བ་བྱས་ཡོད་མོད། ལོ་བཅུ་བདུན་རྗེས་ཀྱི་དེ་རིང་ཡང་ཁོང་ཚོས་སྤྱོད་པ་རྩུབ་པོ་བྱེད་རྒྱུར་གོ་རྟོགས་རྙེད་པ་མ་ཟད་དེའི་ཐོག་ནས་འཐབ་རྩོད་བྱེད་ཀྱི་ཡོད། ཁོང་ཚོའི་འབོད་ཚིག་“抗命”པེ་ཅིང་གི་སྤྱི་སྐད་(Mandarin དང་ཧོང་ཀོང་གི་སྤྱི་སྐད་Cantonese)ནང་ཡིན་ལ། དེའི་ནང་དོན་ཡང་དགྲ་བོ་ལ་འཐབ་རྩོད་བྱེད་རྒྱུ་ནི་ལས་དབང་ཞིག་ཡིན་ཞེས་པའི་དོན་རེད། ད་ཆ་ཁོང་ཚོས་གྱེན་ལངས་ལ་གདོང་ལེན་བྱེད་དགོས་པ་གསལ་པོ་ཤེས་ཀྱིན་ཡོད། སྡུག་བསྔལ་ནི་བོད་མི་ཙམ་མ་ཟད་སུ་ཞིག་གིས་ཀྱང་མྱོང་དགོས་པའི་ལས་ཤིག་མ་རེད། རྫུན་ལ་མཁས་པའི་རྒྱ་ནག་དམར་པོའི་སྲིད་གཞུང་གིས་གློ་བུར་དུ་གནད་དོན་གང་ཡང་ཁས་ལེན་བྱེད་པ་དང་གུ་ཡངས་བྱེད་རྒྱུར་རེ་འདོད་བཅང་བ་ནི་དོན་མེད་ཀྱི་བསམ་བློ་ཞིག་ཡིན། དམར་གསོད་པ་དེ་དག་སྐྱེ་བ་རྗེས་མ་འཚང་བརྒྱ་བའི་རེ་སྨོན་བཅང་བ་ནི་སྙིང་པོ་མེད་པ་ཞིག་རེད། གང་ཡིན་ཟེར་ན་ཁོང་ཚོ་ནམ་ཡང་སངས་རྒྱས་ཀྱི་མ་རེད། འཇིགས་སྐུལ་རིང་ལུགས་པ་དང་ལྷན་དུ་གྲོས་མོལ་བྱེད་མི་ཉན། རྒྱ་ནག་དམར་པོའི་སྲིད་གཞུང་ནི་འཛམ་གླིང་ནང་གི་འཇིགས་སྐུལ་རིང་ལུགས་པའི་ཚོགས་པ་ཆེ་ཤོས་ཤིག་རེད། ཕྱི་ལོ་༡༩༨༩་ནང་ང་ཚོ་སློབ་ཕྲུག་ཚང་མས་རྒྱ་ནག་གཞུང་དང་ལྷན་དུ་གྲོས་མོལ་བྱ་རྒྱུར་རེ་བ་ཆེན་པོས་མཐའ་སྐོར་ཏེ་ཟས་བཅད་ངོ་རྒོལ་དང་། གོམ་བགྲོད་ངོ་རྒོལ་བྱས་ཀྱང་ཁོང་ཚོའི་ཡ་ལན་ནི་དམར་གསོད་ལས་གཞན་གྲུབ་འབྲས་གང་ཡང་མེད།  ངས་དེ་རིང་ཞི་ཅིང་ཕིང་ལ་བརྡ་ལན་ཞིག་སྤྲོད་ཀྱིན་ཡོད། ཞི་ཅིང་པིང་ཞི་ཌི་ལོ་(Xitler)ཁྱེད་ཡག་པོ་བྱས་ཏེ་ཉོན་ཞིག  རྒྱ་རིགས་རྣམས་ཀྱི་རྨི་ལམ་དེ་ཡིས་རྒྱ་ནག་འདི་བཞིན་སླར་ཡང་རིག་གནས་གསར་བརྗེ་ཞིག་ཡོང་རྒྱུར་དྲུད་པ་བཞིན་ད་ལྟ་གནས་ཚུལ་དེ་འབྱུང་གིན་ཡོད། བཙན་པོ་དབང་ཡོད་ཀྱིས་ཉིན་ལྟར་མི་གསད་པ་མ་ཟད། མནར་གཅོད་དང་སུན་གཙེར་བཟོ་བའི་ས་ཆ་འདི་ལ་དུག་གིས་ཡོངས་སུ་ཁྱབ་པའི་རྒྱ་ནག་ཞེས་ཟེར་གྱིན་ཡོད། (Xitler)ཞི་ཌི་ལར་ཁྱེད་ཀྱིས་ང་ཚོ་བཙོན་དུ་འཇུག་ཐུབ་ཀྱང་ང་ཚོ་ཚང་མ་འཇུག་ཐུབ་ཀྱི་མ་རེད། ཁྱེད་ཀྱིས་ང་ཚོ་དམར་གསོད་གཏོང་ཐུབ་ཀྱང་ང་ཚོ་ཚང་མ་གསོད་ཐུབ་ཀྱི་མ་རེད། ཁྱེད་ཀྱིས་ཚད་ལས་རྒལ་བའི་ཐོག་ནས་ང་ཚོར་བསམ་བློའི་སློབ་གསོ་ཐེབས་རྒྱུ་དང་དྲ་རྒྱར་དོ་དམ་བྱེད་ཐུབ་ཀྱང་། གནས་ཚུལ་རྒྱུན་ཆད་རྒྱུར་ནམ་ཡང་བཀག་འགོག་བྱེད་ཐུབ་ཀྱི་མ་རེད། དྲང་བདེན་ནི་ངེས་པར་དུ་ཕྱིར་མངོན་ཡོང་དགོས་པ་ཞིག་ཡིན་པ་མ་ཟད་ད་ཆ་ཇེ་གསལ་ནས་ཇེ་གསལ་ལ་འགྲོ་བཞིན་ཡོད།
རྒྱ་ནག་ནང་རྒྱ་རིགས་ཇེ་མང་ནས་ཇེ་མང་རྨོངས་གཉིད་ལས་སད་དེ་འཇིགས་སྣང་མེད་པར་འཐབ་འཛིང་བྱེད་པ་མ་ཟད་བོད་རིགས་དང་ཡུ་གུར། སོག་པོ་སོགས་ཇེ་མང་ནས་ཇེ་མང་སྲིད་དབང་སྒེར་འཛིན་ལམ་ལུགས་ལ་ངོ་རྒོལ་སྒེར་ལངས་བྱས་དང་བྱེད་མུས་ཡིན། ད་ངོ་མ་འགྲིག་ཚོད་ཡིན། ང་ཚོ་ཡུན་རིང་སྡུག་པོ་ཞེ་དྲག་མྱོང་དགོས་བྱུང་། རྒྱ་རིགས་མི་དམངས་རྣམས་ཀྱིས་ཁྱེད་ལ་ཞི་ཌི་ལིར(Xitler)ཞེས་པའི་མིང་འདོགས་བཏགས་པ་བཞིན་མིང་དོན་མཚུངས་པ་ཞིག་རེད། ཏིང་ཞའོ་ཕིང་དུས་སྐབས་ནས་བཟུང་ཁྱེད་ནི་ཡ་ང་སྙིང་རྗེ་མེད་པའི་དབང་སྒྱུར་བ་ཞིག་རེད། ཞི་ཌི་ལིར་(Xitler)ཡག་པོ་བྱས་ཏེ་ཉོན་ཞིག ཕྱི་ལོ་༡༩༨༩ལོའི་སྔོན་གྱི་ནག་ཉེས་མེད་པའི་རྒྱ་ནག་མི་དམངས་དེ་དག་ད་ཆ་གནས་མེད་པ་མ་ཟད་ང་ཚོ་ཡར་རྒྱས་ཀྱི་ཕྱོགས་སུ་མདུན་སྐྱོད་བྱེད་པར་ཁྱེད་ལ་བཤོད་དགོས་དོན་མེད། ང་ཚོས་གནམ་བདེ་སྒོ་མོ་ཆེའི་གནས་ཚུལ་འདི་འདྲ་ཞིག་སླར་ཡང་མི་ལྷག་པ་བྱེད་ཀྱི་ཡིན། ཞི་ཌི་ལིས་(Xitler)ལས་དབང་འདི་དྲན་པ་བྱེད་དགོས། ཁྱེད་ཀྱིས་སྐྱུག་བྲོ་བའི་དབང་སྒྱུར་གྱི་ལས་ངན་འདི་དག་ལ་དཀའ་ལས་ཁག་པ་མ་ཟད་ཆད་པ་འཕོག་ངེས་རེད།  ཉིན་མོ་འདི་ནི་རྒྱ་ནག་དམར་ཤོག་ཚོགས་པ་འདི་བཞིན་ཉམ་ཉེས་སུ་འགྲོ་བའི་ཉིན་མོ་ཞིག་ཀྱང་རེད།
བོད་མི་རྣམས་འཕེལ་རྒྱས་དང་རིང་དུ་འཚོ་བའི་གོ་སྐབས་གནང་བར་རྒྱ་གར་ལ་ཐུགས་རྗེ་ཆེ་ཞུ་བཞིན་ཡོད་ལ། སྲིད་འཛིན་མུ་ཌི་(Modi)མཆོག་ལ་འབོད་སྐུལ་ཞིག་ཡོད། འཛམ་གླིང་གཞན་གྱི་དབུ་ཁྲིད་(British)ཨིན་ཇི་སྲིད་འཛིན་(David Cameron)བཞིན་གཅིག་མཇུག་གཉིས་མཐུད་ཀྱིས་པུས་མོ་ས་ལ་བཙུགས་ཏེ་རྒྱ་ནག་ལ་མགོ་སྒུར་བ་དང་། དེ་ལས་ཀྱང་ཁྱད་མཚར་བ་ཞིག་ལ། ཨ་རི་ནི་འཛམ་གླིང་བདེ་སྲུང་རྒྱལ་ཁབ་ཞིག་ཡིན་ན་ཡང། བོད་ནང་དང་རྒྱ་ནག  ཤར་ཏུར་ཀི་སི་ཐན། ལྷོ་སོག་པོ་བཅས་ཀྱིས་མནར་གཅོད་སྡུག་བསྔལ་མྱངས་དང་མྱོང་བཞིན་པའི་གནས་ཚུལ་རྣམས་ལ་ལུག་འཐོམས་དང་ཞར་ལྐོག་ལྟར་མི་མཐོང་ཁུལ་བྱས་ཏེ་གནས་ཚུལ་མུ་མཐུད་ལྷགས་བཞིན་པ་དེ་རེད།  སྲིད་འཛིན་མུར་ཌི(Modi)མཆོག ཁྱེད་ཀྱིས་གང་ཞིག་གནང་དགོས་མིན་ངེས་པར་དུ་མཁྱེན་ཐུབ་པ་བྱེད་དགོས། རྒྱ་གར་དེ་བཞིན་འཛམ་གླིང་ནང་མང་གཙོའི་རྒྱལ་ཁབ་ཆེ་ཤོས་ཞིག་ཡིན་པ་འཛམ་གླིང་ཐོག་ཤེས་སུ་བཅུག་དགོས། དངུལ་གྱིས་མཛའ་བརྩེ་དང་བྱམས་བརྩེ་ཉོ་མི་ཐུབ་པ་བཞིན་དུ་དངུལ་གྱིས་མང་གཙོ་ཕྱིར་བཙོང་མི་ཐུབ་ལ་ཉོ་ཡང་དེ་བས་ཐུབ་ཀྱི་མ་རེད།
ཨོ་བྷོ་མ། ཁྱེད་ནི་ཞི་ཌི་ལིར་(Xitler) གྱི་མདུན་དུ་དེ་འདྲའི་མི་སྡར་མ་དང་གཉོམ་ཆུང་ཞིག་རེད།  རྒྱ་ནག་གཞུང་ནི་དཔེར་ན་སློབ་གྲྭའི་ནང་དབང་ཡོད་ཤོད་མཁན་དང་ཐུབ་ཚོད་གཏོང་མཁན་ཞིག་དང་གཉིས་སུ་མེད།  གལ་སྲིད་མི་སུ་ཞིག་གིས་ཀྱང་དེ་བཀག་འགོག་མ་བྱས་པར་མུ་མཐུད་ནས་དེ་ལྟར་བྱེད་དུ་བཅུག་ཚེ། དེ་ནི་ཧ་ཅང་ཉེན་ཁ་ཆེ་བའི་དབང་ཡོད་ཅིག་དང་ཐུབ་ཚོད་ཅིག་ཏུ་འགྱུར་གྱི་རེད།  ཤི་ཌི་ལིར་ཁོང་གི་སྐྱུག་བྲོ་བའི་གཡོ་བྱུས་དེ་དག་ཕྱིར་སྟོན་བྱེད་པའི་བློ་ཁོག་མེད་ན། ཨ་རི་ནི་འཛམ་གླིང་གི་དབང་ཡོད་ཤོད་མཁན་ཆེ་ཤོས་ཤིག་ཆགས་པ་མ་ཟད། ནུབ་ཕྱོགས་ཀྱི་ཞི་མཐུན་འགྲིག་འཇོག་བྱེད་མཁན་ཚོས་ཧ་ཅང་གདུག་རྩུབ་ཆེ་བའི་སྲིན་པོ་ཞིག་ལ་བློ་སྟོབས་སྤེལ་ཏེ་བསྐྱེད་བསྲིང་བྱས་པ་ཞིག་རེད།  སྲིད་གཞུང་ཁག་གི་དབུ་འཛིན་རྣམས་ངེས་པར་དུ་རྨོངས་གཉིད་ལས་སད་ཏེ་རྒྱ་ནག་གཞུང་ལ་གདོང་གཏད་དེ་སྐྱོན་བརྗོད་བྱེད་དགོས། ང་ཚོས་ཁོང་ཚོའི་ཆབ་སྲིད་ཀྱི་བྱ་སྤྱོད་དེ་དག་སྤེལ་བ་ལ་དུས་ཚོད་སྤྲོད་མི་ཐུབ་པ་མ་ཟད། ང་ཚོས་ངེས་པར་དུ་རྡོག་རྩ་གཅིག་སྒྲིལ་གྱི་ཐོག་ནས་མཉམ་དུ་འཐབ་རྩོད་བྱེད་དགོས། གཅིག་སྒྲིལ་བྱས་ན་རྒྱལ་ཁ་འཐོབ་རྒྱུ་དང་ཞེན་ཁོག་བྱས་ན་ཕམ་རྒྱུ་ཉག་གཅིག་རེད། དེར་བརྟེན་བོད་རིགས་དང་རྒྱ་རིགས། ཡུ་གུར་བ། སོག་རིགས་བཅས་ང་ཚོས་ངེས་པར་དུ་མཉམ་རུབ་བྱེད་དགོས། ང་ཚོ་ཚང་མ་གདུག་རྩུབ་ཆེ་བའི་ཆབ་སྲིད་ཀྱི་ལམ་ལུགས་ལ་འཐབ་རྩོད་བྱེད་མཁན་གཅིག་པ་རེད།
འཛམ་གླིང་གི་ས་ཕྱོགས་གང་ས་ནས་བོད་མི་རྣམས་ལ་བརྡབ་གསིག་བཏང་དང་གཏོང་མུས་ཡིན་ལ། ལྷག་པར་དུ་བལ་ཡུལ་དང་ཡོ་རོབ་ནང་བོད་མི་རྣམས་ལ་དཀའ་ངལ་བཟོ་གིན་ཡོད། འཇིགས་སུ་རུང་བའི་བྱེད་ཕྱོགས་འདི་དག་གང་སར་དར་ཁྱབ་ཏུ་འགྲོ་དགོས་དོན་ཅི་ཞིག་ཡིན་ནམ། གང་ཡིན་ཟེར་ན། དེ་ནི་སྲིད་གཞུང་གི་དབུ་ཁྲིད་དེ་དག་པེ་ཅིང་གི་དངུལ་གྱིས་ཉོས་པ་འམ་ཡང་ན་པེ་ཅིང་གཞུང་ནས་སོ་སོ་རང་ཉིད་ལ་བརྙས་བཅོས་བྱེད་དུ་འཇུག་གི་ཡོད་པ་དེ་རེད། ང་ཚོས་ངེས་པར་དུ་མུ་མཐུད་ནས་སྐད་ཆ་ཤོད་དགོས་པ་མ་ཟད་ཁོང་ཚོ་ལ་ཁ་གཏད་གཅོག་དགོས། རྒྱ་ནག་དམར་ཤོག་ཚོགས་པས་མགོ་ཁྲིད་པའི་བཤུ་གཞོག་དང་ལྐོག་ས་རུལ་སུངས། འཚེ་བའི་ལས་ལ་ཞུགས་པའི་རྒྱ་ནག་སྲིད་གཞུང་ལ་རྒྱབ་སྐྱོར་བྱེད་པ་ནི་ཆེས་ནོར་འཁྲུལ་ཞིག་རེད། རྒྱ་ནག་དམར་ཤོག་སྲིད་གཞུང་གིས་གདུག་རྩུབ་དང་དྲག་སྤྱོད་ཀྱི་ཐོག་ནས་འཛམ་གླིང་ཡོངས་ལ་ལྐོག་ཟ་རུལ་སུངས་བྱེད་བཞིན་ཡོད།  རྒྱ་ནག་སྲིད་གཞུང་གིས་འབགས་བཙོག་དང་རྫུས་མས་བཟོས་པའི་ཅ་ལག་ཕྱིར་ཚོང་བྱས་པ་གཅིག་པུ་ཙམ་མ་ཡིན་པར། ཀུན་སྤྱོད་དང་མི་མཐུན་ཞིང་གནོད་འཚེའི་བྱེད་སྟངས་ཀྱི་ཐོག་ནས་འགྲོ་བ་མིའི་གཞི་རྩའི་ཐོབ་ཐང་དང་ཀུན་སྤྱོད་ལ་རྡོག་རོལ་དང་བཙན་གནོན་བྱེད་བཞིན་ཡོད།
མགོ་བསྐོར་བསླུ་བྲིད། སྐྱག་རྫུན་དང་འཚེ་བ།  ཡིད་ཆེས་མེད་པ། ལྐོག་རྔན་སྤྲོད་ལེན་གྱི་བྱ་བ་འདི་ནི་རྒྱ་ནག་ནང་སྤྱོད་བཟང་གི་ཚད་གཞི་གསར་པ་ཞིག་ཏུ་འགྱུར་བཞིན་ཡོད་ལ། དེ་ལྟ་བུའི་འགྲོ་བ་མིའི་རང་གཤིས་ངན་པ་འདི་བཙན་ཤེད་ཀྱིས་འཛམ་གླིང་གི་ས་ཕྱོགས་གང་སར་ཁྱབ་གདལ་དུ་བཏང་དང་གཏོང་མུད་ཡིན། བོད་དང་རྒྱ་ནག  ཧོང་ཀོང། ཤར་ཏུར་ཀི་སི་ཐན། ལྷོ་སོག་པོ་བཅས་ནི་ཉེན་ཁའི་ནང་ལྷུང་ཡོད་པ་མ་ཟད། འཛམ་གླིང་འདི་ཡང་ཟང་ཟིང་ནང་དུ་དྲུད་འགྲོ་གིན་ཡོད། ད་ཆ་ང་ཚོས་གནད་དོན་དེའི་རིགས་ལ་ངེས་པར་དུ་ངོ་རྒོལ་བྱེད་དགོས་པའི་དུས་ཚོད་ལ་སླེབས་ཡོད་ལ། དུས་ཚོད་དེ་ནི་ད་ལྟ་རང་རེད།  ད་ལྟ་ནི་གང་ལས་ཀྱང་གལ་ཆེ་བ་ཞིག་དང་ཛ་དྲག་པོ་ཞིག་ཆགས་ཡོད།   གལ་སྲིད་ང་ཚོས་གནད་དོན་འདི་ཚོའི་ཐོག་ལ་སྐད་ཆ་མ་བཤད་པའམ་ཡང་ན་ལས་འགུལ་མ་སྤེལ་ཚེ། བོད་ནང་དུ་ཡོད་པའི་ང་ཚོའི་སྤུན་ཟླ་ཙམ་མིན་པར་རྒྱ་ནག་དང་ཧོང་ཀོང། ཤར་ཏུར་ཀི་སི་ཐན།   ལྷོ་སོག་པོ་བཅས་ཀྱིས་སྡུག་བསྔལ་ཇེ་ཆེར་འགྲོ་བ་མ་ཟད། འཛམ་གླིང་འདི་བཞིན་མུན་ནག་གི་དུས་རབས་ཞིག་ཏུ་འགྱུར་འགྲོ་གི་རེད།
ངའི་བོད་རིགས་སྤུན་ཟླ་ཚོ། ཁྱེད་ཚོས་སོ་སོ་རང་ཉིད་ཀྱི་མིག་རྐྱང་ཐུང་དུ་གཏོང་མི་ཉན། ཁྱེད་ཚོར་གང་ཞིག་དབང་བ་དང་འོས་བབ་ཡོད་པའི་དགོས་འདུན་འདོན་དགོས་ལ། སོ་སོའི་འབོད་སྒྲ་དང་སྙིང་སྟོབས་ལ་ཡང་དོ་སྣང་བྱེད་དགོས།     ཁྱེད་ཚོའི་འཐུས་མི་རྣམས་ཀྱིས་བོད་ཕྱི་ནང་གང་སར་ཡོད་པའི་མི་མང་དཀྱུས་མ་ཚོའི་འབོད་སྒྲ་དང་སེམས་གཏམ་ལ་ཉན་པའི་རེ་བ་བྱེད་བཞིན་ཡོད།
བོད་ཀྱི་བདག་པོ་བོད་མི་ཡིན་ལ། བོད་ནི་རྒྱ་ནག་གི་ཆ་ཤས་མིན་ལ་ནམ་ཡང་རྒྱ་ནག་གི་ཆ་ཤས་ཆགས་མི་ཉན། འཛམ་གླིང་དམག་ཆེན་གཉིས་པའི་སྐབས་ཧི་ཌི་ལིར་གྱིས་(Hitler)ནཱ་ཛི་དཔུང་དམག་གིས་པོ་ལནྜ་གྲི་ལ་བཙན་འཛུལ་བྱས་རྗེས་སུ་གལ་སྲིད་པོ་ལནྜའི་(polish people)ཡུལ་མི་རྣམས་ཀྱིས་ཧི་ཌི་ལིར་ལ་རང་སྲིད་རང་སྐྱོང་སྤྲོད་རོགས་ཞེས་བརྗོད་ན་ཁྱེད་ཀྱིས་ཅི་ཞིག་བསམ་ཀྱིན་འདུག  རྒྱ་ནག་གཞུང་གིས་བོད་ཀྱི་ཆེད་དུ་གང་ཞིག་བྱ་མིན་དྲི་བ་མ་འདྲི་རོགས། ངས་ཅི་ཞིག་བྱེད་ཐུབ་ཞེས་སོ་སོ་རང་ཉིད་ལ་དྲི་བ་འདྲི་རོགས། མི་སྒེར་བ་ཞིག་གི་ངོས་ནས་སོ་སོའི་ལུང་པའི་དོན་དུ་ཅི་ཞིག་བསྒྲུབ་ཐུབ་མིན་འདྲི་རོགས། སོ་སོའི་རྒྱལ་ཁབ་ཀྱི་ངོས་ནས་མི་མང་གི་ཆེད་དུ་གང་ཞིག་བསྒྲུབ་མིན་འདྲི་རོགས།
ཁྱེད་ཀྱིས་སོ་སོ་ནུས་མེད་དང་མིང་གྲགས་མེད་མཁན་ཞིག་ཡིན་པ་བསམ་ཆོག་ཀྱང།  ཁྱེད་ཀྱིས་གནམ་བདེ་སྒོ་མོ་ཆེའི་ལྕགས་ཁྲབ་འཁོར་ལོའི་དཔའ་བོའི་(Tank man)སྐོར་ལ་བསམ་བློ་གཏོང་དགོས། ཁོང་ནི་སྔོན་མར་མིང་གྲགས་མེད་མཁན་ཞིག་ཡིན་ལ་ད་ལྟའང་རེད། ཁྱེད་ཀྱིས་བོད་ནང་དུ་ཡོད་པའི་བོད་རིགས་སྤུན་ཟླ་རྣམས་ཀྱི་སྐོར་ལ་བསམ་བློ་གཏོང་དགོས་ལ། དམིགས་གསལ་གྱིས་རང་ལུས་མེ་སྲེག་གནང་མཁན་རྣམས་ཀྱི་སྐུ་གཟུགས་ཀྱི་མེ་ལྕེའི་ཀི་སྒྲས་ང་ཚོ་རྨོངས་གཉིད་ལས་སད་པའི་ཐབས་ཤེས་བྱེད་ཀྱིན་ཡོད་པ་ང་ཚོས་དྲན་དགོས་པ་རེད། གལ་སྲིད་ང་ཚོ་སུ་ཞིག་གིས་ལས་ཀ་མཉམ་དུ་མི་བྱེད་ན་འང་རེ་འགས་མཉམ་དུ་བྱེད་ཐུབ། ང་ཚོས་འགྱུར་ལྡོག་བཏང་སྟེ་ལོ་རྒྱུས་བཟོ་དགོས། མའོ་ཙེ་ཏུང་གིས་མེ་སྟག་ཆུང་ངུ་ཞིག་གིས་རི་བོ་མེར་སྲེག་གཏོང་ཞེས་གསུངས་པ་ལྟར། ང་ཚོ་མི་མང་དཀྱུས་མའི་མེ་སྟག་ཆུང་ངུ་འདིས་རི་བོ་གཙང་བཟོ་བྱས་ཏེ། མཛེས་སྡུག་ལྡན་པའི་ཡུལ་ལྗོངས་གསར་པ་ཞིག་བསྐྱེད་པའི་འགྱུར་བ་གཏོང་ཐུབ།  དེེར་བརྟེན་༸གོང་ས་མཆོག་དང་ཁྱེད་རང་ཚོ་མཐོ་སྒང་བོད་ལ་ཕྱིར་ལོག་བྱ་ཐུབ། ང་ཚོ་ཚང་མས་མཉམ་དུ་སྐད་འབོད་བྱེད། ང་ཚོ་ཚང་མཉམ་དུ་ཡར་ལངས་བྱེད།
བོད་རྒྱལ་ལོ།    རྒྱ་ནག་རྒྱལ་ལོ།      ༢༠༡༤་ལོའི་སྤྱི་ཟླ་དགུ་བའི་ཚེས་༡༧ཉིན་མན་ཇུ་ཀྲིག་ཀ་བོད་སྒར་བསམ་ཡས་གླིང་།
མ་ཡིག་དྲ་ཚིག་ཁ་བྱང།  https://www.facebook.com/notes/634995259951932/



གནད་དོན་ཡ་མཚན་ཅན་ཞིག་གིས་དམག་ཟུར་ཞིག་ནང་བསྟན་ལ་ཞུགས་ནས་ནང་ཆོས་ཀྱི་རིན་ཐང་དང་སེམས་སྐྱིད་ངོས་པའི་སྐོར་ཞིག
དམག་ཟུར་ཞིག་གནད་དོན་ངོ་མཚར་ཅན་ཞིག་གིས་ནང་བསྟན་ལ་ཞུགས་ནས་ནང་ཆོས་ཀྱི་རིན་ཐང་དང་སེམས་ཀྱི་བདེ་སྐྱིད་ཚོར་ཐུབ་པར་བྱུང་བ།
དབང་པོ་གཉིས་བེད་མེད་དུ་གྱུར་པའི་བུད་མེད་གཅིག་གིས་སྙིང་སྟོབས་དང་འབད་བརྩོན་ལ་བརྟེན་ནས་འཛམ་གླིང་ཁྱོན་དུ་སྐད་གྲགས་བྱུང་བའི་ཤེས་ཡོན་པ་ཞིག་ཏུ་ཆགས་པའི་བརྒྱུད་རིམ།
གཟའ་ཕུར་བུ།, 01 /05/ 2014 23:54

གཤིན་པོའི་རྐང་ལམ༏

ཟིན་བྲིས་པ།
                                            གཤིན་པོའི་རྐང་ལམ༏


              མེའུ་ཤུལ་ཨོ་རྦུས་ཀྱི་བསམ་དོན་དེ་ཁོ་རང་གིས་ཚོད་དཔག་བྱས་པ་ལས་སྔ་བར་འགྲུབ་སྟེ། ༡༩༤༩ལོའི་ཟླ་དང་བོར་ཁོ་རང་ནེན་གྲུམ་མིའུ་ལྟེ་བའི་སློབ་གྲྭ་ཡི་སློབ་སྤྱིར་བསྐོས། དེ་ནི་རྣམ་ཀུན་རྗེས་ལུས་ཀྱི་སློབ་གྲྭ་ཞིག་ཡིན་པས། ཤེས་ཡོན་ལྷན་ཁང་གིས་སེམས་ཤུགས་ཅན་གྱི་ན་གཞོན་ཞིག་ལ་སློབ་གྲྭ་དེ་ཉིད་བདག་གཉེར་བྱེད་དུ་འཇུག་རྒྱུ་ཐག་བཅད་པ་བཞིན། ཨོ་རྦུས་ཀྱང་སྤྲོ་སེམས་འཁོལ་བའི་ངང་ནས་ལས་འགན་དང་དུ་བླངས། ཁོ་ལ་ཕུལ་དུ་བྱུང་བའི་ཐབས་ཇུས་མང་བོ་ཞིག་ཡོད་པ་དང་འདི་ནི་ཐབས་ཇུས་དེ་དག་དངོས་སུ་ ལག་ལེན་བསྟར་བའི་གོ་སྐབས་ལེགས་པོ་ཞིག་རེད༏ ཨོ་རྦུས་ལ་འབྲིང་རིམ་སློབ་གསོའི་ཉམས་མྱོང་ལེགས་པོ་ཞིག་ཡོད་པས་གཞུང་ཕྱོགས་གྱི་སྙན་ཞུ་རུ་ཁོ་ནི་གནད་འགག་ཆེ་བའི་དགེ་རྒན་ཞིག་ཡིན་པར་བཀོད་ཡོད་ལ༏ ཁོ་ལ་སློབ་སྤྱི་གཞན་ལས་ལྷག་པའི་གདེང་འཇོག་ཀྱང་ཆེན་པོ་ཞིག་བཞག་ཡོད། ཁོ་ནི་རྟག་ཏུ་ལོ་ན་མཐོ་ལ་ཤེས་ཡོན་དམན་པའི་མི་རྣམས་ཀྱི་གུ་དོག་གི་བསམ་བློ་ལ་འཛེམ་དོགས་མེད་པར་སྐྱོན་བརྗོད་བྱེད་མཁན་ཞིག་ཀྱང་ཡིན།
         
            ང་ཚོས་སློབ་གྲྭའི་ལས་དོན་དེ་ལེགས་པོ་བསྒྲུབ་ངེས་རེད། མ་རེད་དམ། ཅེས་ཨོ་རྦུས་ཀྱིས་ཐོག་མར་ཁོ་རང་གོ་གནས་སྤར་པའི་སྤྲོ་སྐྱིད་ཀྱི་གཏམ་བཟང་ཐོས་སྐབས་ཆུང་མ་ལ་དེ་ལྟར་དྲིས།
       
          ང་ཚོས་རང་ནུས་ཅི་ལྕོགས་བྱེད་ངེས་ལ། འུ་གཉིས་ལ་མཛེས་སྡུག་གི་མེ་ཏོག་ལྡུམ་རྭ་ཞིག་ཡོད་པར་མ་ཟད། ཡོད་ཚད་དེང་རབས་ དང་སྤྲོ་བ་འཕེལ་བ་ཞིག་ཡིན་སྲིད། ཅེས་མོ་ཡིས་ལན་བཏབ། ཁོ་གཉིས་ལོ་གཉིས་ཀྱི་གཉེན་སྒྲིག་གི་འཚོ་བའི་ཁྲོད་ཨོ་རྦུས་ཀྱིས་དེང་ རབས་ཀྱི་བྱེད་ཐབས་ལ་བཅངས་པའི་དགའ་ཞེན་དྲག་པོ་དེས་མོ་རང་ལ་ཤུགས་རྐྱེན་ཟབ་མོ་བཞག་ཡོད་པར་མ་ཟད། ཁོ་ཡི་དམའ་འབེབས་ཀྱི་ལྟ་བ་དཔེར་ན་རྒས་ཤིང་རྙིང་རུལ་དུ་སོང་བའི་དགེ་རྒན་དེ་དག་ཨོ་ནེ་ཤེའི་ཁྲོམ་རར་ཚོང་ལས་བྱས་ན་འོས་པའི་ལྟ་བ་དེ་དག་ལའང་མོ་ རང་གིས་མོས་འཐད་བྱེད་བཞིན་ཡོད། ནེན་སེ་ཡིས་མོ་ནི་མི་རིང་བར་ཀུན་གྱི་ཡིད་སྨོན་ཤོར་སའི་ན་གཞོན་སློབ་སྤྱི་ཞིག་གི་ཆུང་མ་དང་སློབ་གྲྭ་དེ་ཡི་རྒྱལ་མོ་ཡིན་པར་ཡིད་དུ་ཡང་ཡང་སྒོམ།
        
        ནེན་སིས་ད་དུང་དགེ་རྒན་གཞན་གྱི་ཆུང་མ་ཚོས་མོ་རང་གི་གོ་གནས་ལ་ཡིད་སྨོན་བྱེད་ངེས་ལ༏  མོ་ཡིས་ཡོད་ཚད་དེང་རབས་ཀྱི་དར་སོ་དང་བསྟུན་དགོས་སྙམ༏ གློ་བུར་མོའི་སེམས་ལ་དེ་རུ་དགེ་རྒན་གཞན་གྱི་ཆུང་མ་ཡོད་དམ་སྙམ་པས༏ རེ་བ་དང་དངངས་སྐྲག་གི་བར་མཚམས་སུ་མོས་བློ་འཚབ་ཀྱིས་ངང་ནས་ཨོ་རྦུས་ལ་བལྟས་ནས་སྐད་ཆ་དྲིས༏
       
              ང་ཚོ་ལས་གྲོགས་ཚང་མ་ན་གཞོན་དང་མི་རྐྱང་རེད་ལ༏དེ་ནི་དགའ་འོས་པ་ཞིག་རེད་ཅེས་ཁོས་སྤྲོ་བ་ཆེན་པོས་སྒོ་ནས་ལན་བཏབ༏ ད་ཐེངས་མོ་རང་ཨོ་རྦུས་ཀྱི་ལྟ་བ་ལ་འཐད་པ་མ་བྱུང་བར་ཅིའི་ཕྱིར་ཞེས་དྲིས༏
     
           ཅིའི་ཕྱིར་ཨེ། ཁོ་ཚོའི་དུས་ཚོད་དང་ནུས་ཤུགས་ཡོད་ཚད་སློབ་གྲྭ་ལ་འབུལ་ངེས་རེད།
      
             ནེན་སེ་ཡི་ཡིད་མུག་ཅིང་སྐར་མ་ཁ་ཤས་རིང་མོ་རང་སློབ་གྲྭ་གསར་བའི་སྐོར་ལ་ཐེ་ཚོམ་སྐྱེས། ཡིན་ཡང་དེ་ནི་སྐར་མ་ཁ་ཤས་ཙམ་སྟེ། མོ་རང་གི་མི་སྒེར་གྱི་རྐྱེན་ངན་ཆུང་ཆུང་དེ་ཁྱོ་ག་ཡི་དགའ་བ་བསྐྱེད་པའི་མདུན་ལམ་དང་བསྡུར་ཐབས་མེད་པ་ཚོར། མོས་ལྟེབ་སྒྲིལ་གྱི་རྐུབ་སྟེགས་སྟེང་དུ་ཡོད་པའི་ཨོ་རྦུས་ལ་ལྟ་སྐབས། ཁོ་ཡི་ཕྲག་པ་ཏོག་ཙམ་སྒུར་ལ་ཕར་བལྟས་ན་ཉམས་ཞན་ཞིག་ཡིན་མོད༏ འོན་ཀྱང་ཁོས་གློ་བུར་དུ་བཏོན་པའི་ལུས་ཤུགས་ཀྱིས་མཚམས་རེར་མི་རྣམས་ལ་ཧ་ལས་སུ་འཇུག་བཞིན་ཡོད༏ ཁོའི་ད་ལྟའི་ལུས་ཀྱི་སྟངས་སྟབས་ལ་བལྟས་ན༏ ཁོའི་ལུས་ཀྱི་ཟུངས་ཤུགས་ཡོད་ཚད་ཁོ་རང་གི་གཏིང་ཟབ་པའི་མིག་ཟུང་གི་རྒྱབ་ཏུ་འཐིམ་པ་དང་མཚུངས་བར་དེ་རུ་ཁྱད་འཕགས་ཀྱི་སྟོབས་ཤུགས་ཤིག་མངོན་འདུག ཨོ་རྦུས་ནི་ཕོ་ལོ་ཉི་ཤུ་རྩ་དྲུག་སོན་ཙམ་ཡིན་མོད། འོན་ཀྱང་ཕར་བལྟས་ན་ཁོ་རང་ལོ་སུམ་ཅུ་འམ་དེ་ལས་ཀྱང་ཆེ་བ་ཞིག་དང་མཚུངས་ལ། སྤྱི་ཡོངས་ནས་བཤད་ན། ཁོ་ནི་བྱད་གཟུགས་ལེགས་པའི་སྐྱེས་པ་ཞིག་མིན༏

                  ཁྱོད་ཀྱིས་ཅི་ཞིག་བསམ་གཞིགས་བྱེད་བཞིན་ཡོད༏  ཅེས་ནེན་སི་ཡིས་མོ་རང་གིས་བཀླགས་པའི་བུད་མེད་དུས་དེབ་ཅིག་གི་ནང་གི་བཤད་སྟངས་ལ་ལད་མོ་བྱས་ནས་སྐད་ཆ་དྲིས༏
             
       ཁོས་ན་རེ༏ ངས་གཞན་ལ་སློབ་གྲྭ་ཇི་ལྟར་འཛིན་སྐྱོང་བྱེད་དགོས་པར་སྟོན་པའི་གོ་སྐབས་ཅི་འདྲའི་བཟང་བོ་ཞིག་ང་ཚོ་ལ་གཞི་ནས་ཐོབ་བྱུང་བསམ་བཞིན་ཡོད་ཅེས་ལན་བཏབ༏

           སློབ་གྲྭ་དེ་ནི་གོ་ཐོས་ཇི་བཞིན་ཧ་ཅང་རྗེས་ལུས་ཤིག་ཡིན་པ་དང་། ཨོ་རྦུས་ཀྱིས་ཁོ་རང་གི་མི་ཚེ་ཧྲིལ་བོ་སློབ་གྲྭའི་ལས་དོན་ལ་འབུལ་རྒྱུ་ཡིན་པར་མ་ཟད་ཁོ་རང་གི་ཆུང་མའི་མི་ཚེ་ཡང་དེ་བཞིན་རེད། ཁོ་ལ་དམིགས་ཡུལ་གཉིས་ཡོད་དེ། གཅིག་ནི་ཚད་གཞི་མཐོ་བའི་སློབ་ཁྲིད་ལག་ལེན་བསྟར་རྒྱུ་དང་། གཞན་ཞིག་ནི་སློབ་གྲྭའི་ར་བ་མཛེས་སྡུག་གི་ས་ཆ་ཞིག་ཏུ་བསྒྱུར་རྒྱུ་དེ་རེད། ཆར་བ་ཁ་ཤས་བབས་རྗེས། ནེན་སི་ཡི་རེ་སྨོན་གྱི་མེ་ཏོག་ལྡུམ་ར་མངོན་འགྱུར་བྱུང་ནས་མེ་ཏོག་བཞད་ལ། མཛེས་སྡུག་གི་མེ་ཏོག་པདྨ་དང་སེར་ཆེན་མེ་ཏོག་སོགས་མཚར་སྡུག་རྣམ པར་བཀྲ་བའི་མེ་ཏོག་ལྡུམ་ར་ཞིག་ཏུ་གྱུར༏
       
            ཕྱི་དྲོ་ཞིག་ལ། སྐུ་ཞབས་ཨོ་རྦུས་ཀྱིས་མཛེས་སྡུག་གི་མེ་ཏོག་ལྡུམ་ར་ལ་ལྟད་མོ་རོལ་སྐབས། ཉེ་འཁོར་གྲོང་གསེབ་ཀྱི་རྨོ་མོ་ཞིག་གོམ་པ་ཁྱར་ཁྱོར་གྱིས་སྒོ་ནས་སློབ་གྲྭའི་ར་བ་བརྒལ་ནས་གུར་ཀུམ་མེ་ཏོག་གི་ར་སྐྱོར་བརྒྱུད་ནས་ཡོང་བཞིན་ཡོད་པ་མཐོང་ལ། ཁོ་རང་ཕར་བསྐྱོད་སྐབས་དེ་རུ་གསལ་ལ་མི་གསལ་བའི་རྐང་ལམ་ཞིག་སློབ་གྲྭའི་ར་བ་བརྒྱུད་ནས་ཕར་ཕྱོགས་ཀྱི་ཤིང་ཕྲན་གྱི་སྐྱེདཚལ་བར་དོད་ཡོད་པ་མཐོང་བས་ཁོ་རང་ཞེན་པ་གཏིང་ནས་ལོག་སྟེ༏
   
              ང་ཧ་ལས་སོང་།། ཁྱོད་ཅག་གིས་སློབ་གྲྭའི་ར་བ་རུ་མི་འཛུལ་དུ་བཅུག་ནས་རྐང་ལམ་བསྐྲུན་འདུག དེ་ནི་ངོ་མ་ཡིད་ཆེས་དཀའ་བ་ཞིག་རེད༏  ཅེས་ཁོས་མགོ་བོ་གཡུག་བཞིན་དུ་སློབ་གྲྭ་དེར་ཞུགས་ནས་ལོ་ངོ་གསུམ་ལོན་པའི་ལས་གྲོགས་དགེ་རྒན་ཞིག་ལ་བཤད།
      དགེ་རྒན་དེས་ན་རེ། རྐང་ལམ་འདི་གྲོང་གསེབ་བ་ཚོ་ལ་མཚོན་ན་ཤིན་ཏུ་གཙིགས་ཆེན་ཞིག་རེད༏ རྐང་ལམ་འདིར་འགྲོ་མཁན་དཀོན་ཡང་དེ་ཁོ་ཚོའི་དུར་ས་དང་འབྲེལ་བ་ཡོད་ཞེས་ལན་བཏབ།
        
       དེ་སློབ་གྲྭ་དང་འབྲེལ་བ་ཅི་ཡོད་ཅེས་ཨོ་རྦུས་བརྗོད༏
      
             ཨོ། ངས་ཅང་མི་ཤེས། ཞེས་དགེ་རྒན་དེས་དཔུང་གསིག་བྱས་ནས། སྔོན་ཞིག་ཏུ་ང་ཚོས་རྐང་ལམ་དེ་བཀག་གྲབས་བྱེད་སྐབས་རྩོད་གླེང་ཆེན་པོ་ཞིག་བྱུང་མྱོང་བ་དྲན་འདུག་ཅེས་ལབ།
        
              དེ་ནི་སྔོན་ཆད་ཀྱི་དོན་དག་རེད ཡིན་ཡང་ད་ལྟ་དེ་འདྲ་ཞིག་ཡོང་ས་གཏན་ནས་མེད༏ གཟའ་འཁོར་རྗེས་མར་ཤེས་ཡོན་ལྷན་ཁང་གི་དབུ་ཁྲིད་སློབ་གྲྭ་ལ་ལྟ་སྐོར་ཡོང་སྐབས་ཁོང་གིས་ཅི་ཞིག་བསམ་སྲིད། ངས་ཤེས་ཚོར་ལྟར་ན་གོང་གིས་ལྟ་སྐོར་བྱེད་སྐབས་ གྲོང་གསེབ་བ་འདི་ཚོས་ཕལ་ཆེར་སློབ་གྲྭའི་འཛིན་ཁང་ཁོ་ཚོའི་ལོག་ཆོས་ཀྱི་ཆོ་ག་སྤེལ་ཡུལ་བྱེད་སྲིད། ཅེས་བརྗོད་ནས་ཕྱིར་ཐོན༏

        དེ་ནས་ཁོས་སློབ གྲྭའི་ར་བ་དང་རྐང་ལམ་འབྲེལ་མཚམས་སུ་སོ་ཕག་སྟུག་པོ་བརྩིགས་པར་མ་ཟད་།ད་དུང་གཟེ་མ་ཅན་གྱི་ལྕགས་སྐུད་བསྐོར་ནས་སྲ་བརྟན་བྱས་ཏེ་རྐང་ལམ་རྦད་དེ་་བཀག

         ཉིན་གསུམ་གྱི་རྗེས་སུ།  གྲོང་གསེབ་དེ་ཡི་ཆོས་དཔོན་སློབ་སྤྱི་ལ་ཐུག་ཏུ་ཡོང་བ་དང་༏ ཁོ་ནི་ལོ་ན་མཐོ་ཞིང་ལུས་པོ་ཏོག་ཙམ་གུག་ལ། ཁོས་ལྟ་ཚུལ་བཤད་སྐབས་ཁོ་རང་གི་ལྟ་ཚུལ་ནན་བཤད་ཀྱི་ཚུལ་དུ་ལག་ཏུ་ཐོགས་པའི་ལག་འཁར་སྤོམ་པོ་དེ་ས་ལ་གཞུ་ཙམ་རེ་བྱེད༏
    
          ཉེ་ཆར། ང་ཚོའི་མེས་པོའི་རྐང་ལམ་བཀག་འདུག་པ་གོ་ཐོས་བྱུང་། ཞེས་ཆོས་དཔོན་གྱིས་གུས་ཞབས་ཀྱི་སྒོ་ནས་བཤད༏

        རེད།ང་ཚོས་སློབ་གྲྭའི་ར་བ་རུ་མི་བཏང་ནས་བགྲོད་ལམ་དུ་ཆགས་སུ་འཇུག་འདོད་མེད༏ཅེས་ཨོ་རྦུས་ཀྱིས་བཤད༏

          ཆོས་དཔོན་གྱིས་ལག་འཁར་མར་བཞག་ནས། ཉོན་དང་། ངའི་བུ། བགྲོད་ལམ་འདི་ཁྱོད་དང་ཁྱོད་ཀྱི་ཨ་ཕ་མ་སྐྱེ་གོང་འདིར་ཡོད་ལ། ང་ཚོའི་སྡེ་བའི་མི་ཚེ་ཧྲིལ་བོ་དེ་ལ་བརྟེན་ཡོད། ང་ཚོའི་གཉེན་ཉེ་འདས་པོ་ཚོ་རྐང་ལམ་འདི་ནས་ཐོན་པ་དང་ཁོང་ཚོས་འདི་བརྒྱུད་ནས་ང་ཚོར་ཐུག་པར་ཡོང་། ཡིན་ཡང་ཆེས་གལ་ཆེ་བ་ཞིག་ནི། ང་ཚོའི་ཕྲུ་གུ་ཚོས་རྐང་ལམ་འདི་བརྒྱུད་ནས་མི་ཡུལ་ལ་ཡོང་དགོས་ཞེས་ལབ། 
    
      སྐུ་ཞབས་ཨོ་རྦུས་ཀྱི་གདོང་ལ་འདོད་བློ་ཚིམ་བའི་འཛུམ་མུལ་ཞིག་རྒྱས་ནས་ཆོས་དཔོན་གྱི་གཏམ་ལ་ཉན་རྗེས།
   
         གཞི་ནས་ཁོས་ན་རེ། ང་ཚོའི་སློབ་གྲྭའི་དམིགས་ཡུལ་མཐའ་དག་ནི་འདི་ལྟའི་བསམ་བློ་རྩ་མེད་དུ་གཏོང་རྒྱུ་དེ་ཡིན། གཤིན་པོ་ ལ་རྐང་ལམ་ཞིག་དགོས་པ་མེད། བསམ་ཚུལ་འདི་ཚང་མ་ནི་རྟོག་བཟོ་ཁོ་ན་རེད་ལ་ང་ཚོའི་འོས་འགན་ནི་ཁྱོད་ཚོའི་ཕྲུ་གུ་ཚོར་བསམ་བློ་དེའི་རིགས་ལ་འཕྱ་སྨོད་བྱེད་དུ་འཇུག་རྒྱུ་དེ་ཡིན་ཞེས་བརྗོད།
      
          ཁྱོད་ཀྱིས་བཤད་པ་དེ་བདེན་སྲིད། ཡིན ཡང་ང་ཚོས་མེས་པོ་ཚོའི་གོམས་སྲོལ་རྒྱུན་འཛིན་བྱེད་བཞིན་ཡོད། གལ་སྲིད་ཁྱོད་ཀྱིས་བགྲོད་ལམ་སླར་ཡང་ཕྱེས་ན་ང་ཚོས་རྩོད་གླེང་དགོས་པ་གང་ཡང་མེད། ངས་བརྗོད་འདོད་པ་ནི། གྲི་ཁ་ཁ་དང་ཤ་སོ་སོ་བྱས་ན་དགའ་ཞེས་པ་དེ་ཡིན་ཞེས་བརྗོད་དེ་ཡར་ལངས་ནས་ཐོན་གྲབས་བྱས།
        
       ན་གཞོན་སློབ་སྤྱི་དེས། དགོངས་དག། ཡིན ཡང་སློབ གྲྭའི་ར་བ་དེ་ནམ་ཡང་བགྲོད་ལམ་དུ་བསྒྱུར་མི་སྲིད། དེ་ནི་ང་ཚོའི་སྒྲིག་ཁྲིམས་དང་འགལ་བ་རེད། དེ་ལས་ང་ཚོའི་མཐའ་ཟུར་ཞིག་ཏུ་རྐང་ལམ་གཞན་ཞིག་བསྐྲུན་ན་ག་འདྲ་འདུག ངས་ཐ་ན་ང་ཚོ་སློབ་ཕྲུག་བུ་ཚོ་རྐང་ལམ་བསྐྲུན་པ་ལ་རོགས་རམ་བྱེད་དུ་མངགས་ཆོག ངས་བསམ་ན་ཁྱེད་ཅག་གི་མེས་པོ་ཚོ་ལམ་ཀྱོག་ཆུང་ཆུང་ཞིག་བསྐོར་བར་དཀའ་ངལ་ཆེན་པོ་ཡོད་མི་སྲིད་སྙམ་ཞེས་བརྗོད༏
       
        ང་ལ་གང་ཡང་བརྗོད་རྒྱུ་མེད་ཅེས་ཆོས་དཔོན་གྱིས་བརྗོད་ནས་ཐོན་ནོ༏
      
        ཉིན་གཉིས་སོང་རྗེས༏   སྡེ་བ་དེ་ཡི་བུད་མེད་ཅིག་ཕྲུ་གུ་བཙའ་སར་འཆི་སོང་བས༏   ཁོ་ཚོས་དེ་མ་ཐག་ཏུ་མོ་པ་ཞིག་ལ་བློ་དྲིས་པར་མོ་པས་གཤིན་པོའི་རྐང་ལམ་བཀག་པས་མེས་པོ་དག་ལ་ཕོག་ཐུག་ཤོར་འདུག་པ་དང་༏ཁོ་ཚོ་ལ་བཟོད་གསོལ་བྱེད་སླད་དམར་མཆོད་མང་པོ་བགྱི་དགོས་པའི་བཀའ་བསྒོས༏
    
        ཕྱི་ཉིན་ཞོགས་པར་ཨོ་རྦུས་གཉིད་ལས་སད་སྐབས་ཁོ་རང་གི་ཡོད་ཚད་ཞིག་རལ་དུ་སོང་བ་མཐོང་སྟེ༏ རྐང་ལམ་ཉེ་འགྲམ་གྱི་ར་བ་གཏོར་བཤིག་བཏང་ཡོད་པར་མ་ཟད༏མཛེས་སྡུག་གི་མེ་ཏོག་ལྡུམ་རར་རྡོག་རྫིས་བཏང་ནས་འཆི་ལམ་བརྫངས་ལ༏ སློབ གྲྭའི་ཁང་བརྩེགས་ཀྱང་གཏོར་བཤིག་བཏང་ནས་ས་ལ་འགྱེལ་ཡོད་པ་མཐོང་༏
 
        ཉིན་དེར༏ གོང་གི་ལྟ་རྟོག་པ་ཞིག་སློབ གྲྭར་ཡོང་ནས་གནས་ཚུལ་རྒྱུས་ལོན་བྱས་རྗེས༏  ལྟ་རྟོག་པ་དེས་སྡེ་བ་དང་སློབ གྲྭའི་བར་དུ་འཐབ་རྩོད་བྱུང་བའི་་རྒྱུ་རྐྱེན་གཙོ་བོ་ནི་སློབ་སྤྱི་གསར་བའི་ཐལ་དྲགས་པའི་གསར་ཞེན་དང་ལོག་ཁྲིད་ཀྱི་སྟབས་ལས་བྱུང་འདུག་ཞེས་སྙན་ཞུ་བྲིས༏
གཟའ་པ་སངས།, 25 /04/ 2014 16:26

འབྲེལ་བ།

ཟིན་བྲིས་པ།
                                                                                    ཁི་རི་ཤི་ན་མུར་ཏིའི།
ང་ཚོའི་འབྲེལ་བ་གཞན་མང་ཆེ་བ་སེམས་ཁམས་སམ་དཔལ་འབྱོར་གང་རུང་ལ་བརྟེན་ནས་གྲུབ་ཡོད་པ་དང་། གཞན་ལ་བརྟེན་ནས་གྲུབ་པ་དེས་ང་ཚོར་འཇིགས་སྣང་དང་གཅེས་འཛིན་གྱི་འདུ་ཤེས་སྐྱེད་སྤེལ་བྱེད་ཀྱིན་ཡོད་ལ། དེའི་རྗེས་འབྲས་ལ་ཡང་། འགལ་ཟླ་དང་། དོགས་འཆར། སུན་སྣང་བཅས་བཟོ་གིན་ཡོད། དཔལ་འབྱོར་གྱི་གཞི་བརྟེན་གཞན་དེ་སྒྲིག་འཛུགས་ཚུལ་མཐུན་དང་ཁྲིམས་བཟོ་བརྒྱུད་ནས་ཕལ་ཆེར་སེལ་ཐུབ་ཀྱི་ཡོད། ཡིན་ན་ཡང་སྐབས་འདིར་ངས་བཤད་དོན་གཙོ་བོ་ནི་མི་རིགས་ལ་སེམས་ཁམས་དང་འབྲེལ་བའི་ཆགས་པ་དང་སྲེད་པ་སོགས་འབྱུང་གི་ཡོད་པས་དེའི་སྐོར་ལ་དམིགས་བསལ་གྱི་གསལ་སྟོན་བྱེད་ཀྱི་ཡིན། སེམས་ཁམས་དེས་སོ་སོ་ཡིད་ཚིམས་པའི་ཆེད་དུ་འདོད་རྔམ་དང་བདེ་སྐྱིད་ཀྱི་བྱུང་འབྲས་བཟོ་གིན་ཡོད་པར་རྟེན་རང་གཅེས་འཛིན་གྱི་འབྲེལ་བའི་ནང་དུ་ཚོར་ཤེས་དང། གསར་གཏོད། གྲུང་པོ། སོ་སོར་ཁོང་ཁྲོའི་མེ་ལྕེ་ཆུང་ཆུང་ཡོད་པ་དེ་གཞན་ལ་བརྟེན་ནས་འཕེལ་གྱིན་ཡོད་ལ། གོ་རིམ་དེའི་ནང་དུ་འཇོན་ཐང་གི་འབྱུང་ཁུངས་དེ་བོར་བརླག་སོང་མེད་པ་དང་། གཞན་བོར་བརླག་སོང་བའི་འཇིགས་སྣང་དང་། གཅེས་འཛིན་གྱི་འཇིགས་སྣང་དེ་དག་གི་ནང་ནས་རྙོག་དྲའི་མཇུག་འབྲས་ཐམས་ཅད་ཐོན་གྱི་ཡོད། དེ་ལྟ་བུའི་འབྲེལ་ལམ་དེ་སེམས་ཁམས་ལ་བརྟེན་ནས་འབྱུང་གི་ཡོད། དེར་དུས་རྒྱུན་ནས་རང་ཉིད་ཀྱིས་ཤེས་རྟོགས་ཐུབ་མིན་གྱི་འཇིགས་སྣང་དང་།   དོགས་འཆར་ཡོད་པ་དེ་དག་སྐད་ཆ་སྙན་པོའི་ནང་དུ་སྦས་སྐུང་ཡང་བྱེད་ཀྱི་ཡོད། འཇིགས་སྣང་གི་རྣམ་འགྱུར་དེའི་རྐྱེན་གྱིས་ལེགས་བཅོས་དང་འགན་སྲུང་གི་ཆེད་དུ་རྟག་ཏུ་ལམ་སྣ་ཚོགས་ཤིག་བརྒྱུད་ནས་འཚོལ་ཞིབ་བྱེད་པ་འམ་། རང་ཉིད་ཀྱི་བསམ་བློ་དེ་ཉིད་ཕུལ་དུ་བྱུང་བར་བརྩི་བ་འམ་ཡིད་ཚིམ་པའི་ཆེད་དུ་ར་སྤྲོད་འཚོལ་ཞིབ་ཀྱང་བྱེད་ཀྱི་ཡོད།      བྱ་དངོས་ཆུང་ཙག་ཅིག་ཡིན་ན་ཡང་གཞན་ལ་བརྟེན་ཡོད་པ་དང་། འདོད་པས་ཡོངས་རྫོགས་ལ་གནོད་འཚེ་གཏོང་མི་རུང་ལ། དཀའ་རྙོག་སྣ་ཚོགས་པ་དེ་དག་འབྲེལ་བར་མ་བརྟེན་པར་གང་འདྲ་སེ་དགའ་ཞེན་དང་ལབ་གླེང་མེད་ལ་འཁྲུགས་རྩོད་མེད་པ་ཞིག་ཡོང་གི་རེད་པས།  འཁྲུགས་རྩོད་དེའི་རྐྱེན་ལས་ཕྱིར་འཐེན་བྱེད་པ་དང་རང་ཉིད་ལོགས་སུ་སྡོད་འདོད་བྱས་པ་དེ་དག་གི་དཀའ་ངལ་གང་འདྲ་སེ་སེལ་དགོས། གལ་སྲིད་ང་ཚོའི་བདེ་སྐྱིད་དེ་སྤྱི་ཚོགས་སམ་ཁོར་ཡུག་གཞན་ཞིག་ལ་བརྟེན་ཡོད་ན་དེ་དག་ང་ཚོར་ངེས་པར་དུ་དགོས་གལ་ཆེན་པོ་ཆགས་ཡོད་ལ། གང་ལྟར་ང་ཚོས་གཏོར་བཤིགས་བཏང་བ་དེ་དག་ལ་གཅེས་སྤྲས་བྱེད་དགོས། གང་ཡིན་ཞེས་ན་ང་ཚོའི་སེམས་ཁམས་ཀྱི་བདེ་འཇགས་དང་བདེ་སྐྱིད་དེ་དག་ལ་བརྟེན་ཡོད། ང་ཚོ་སྤྱང་པོ་ཞིག་ཡིན་ན། ང་ཚོའི་མི་ཚེ་འདི་བར་མི་ཆད་པའི་འགྱུར་ལྡོག་ཡོད་པ་ཤེས་རྟོགས་ཆོག་ལ་འདུ་ཤེས་སམ་སེམས་ཚོར་གྱིས་བར་མི་ཆད་པའི་འགྱུར་ལྡོག་འགྲོ་དགོས་ཚུལ་ཤེས་རྟོགས་ཐུབ་པ་བྱེད་དགོས། ང་ཚོས་བག་ཕེབས་དང་བརྟན་སྲུང་གི་རིན་ཐང་ལ་གཅེས་སྤྲས་བྱེད་དགོས་པར་བརྟེན་འགྱུར་ལྡོག་དང་འདོད་པ་གཉིས་ཀྱི་བར་ལ་རྒྱུན་མི་ཆད་པའི་རྙོག་འཛིང་ཡོང་གི་ཡོད་པ་མངོན་གསལ་ཆགས་ཡོད། རྙོག་འཛིང་འདི་དེ་ནས་ཀྱང་མཇུག་བསྒྲིལ་ཆོག་གི་ཡོད་ལ།
འབྲེལ་བ་མེད་པར་མིའི་མི་ཚེ་གནས་མི་ཐུབ། ཡིན་ཡང་ང་ཚོ་རང་ཉིད་ལ་བརྩེ་བའི་དབང་གིས་ན་ཟུག་དང་ཞེ་སྣང་ཚབ་ཆེན་བཟོ་གི་ཡོད།   བརྩེ་བ་ངོ་མ་ཞིག་ཡོད་ན་གཅིག་གིས་གཅིག་ལ་དབང་འགྱུར་བྱེད་ཐུབ་བམ། ཡིད་ཆེས་དང་བསམ་ཚུལ་གདོང་ལེན་བཅས་ཀྱིས་ཁྱེད་ལ་ལན་དྲང་པོ་ཞིག་ནམ་ཡང་རྙེད་ཀྱི་མ་རེད། ཡིན་ཡང་རྟེན་འབྲེལ་གྱི་གོ་རྟོགས་ཀྱི་རྒྱུ་རྐྱེན་བརྒྱུད་ནས་ཁྱེད་ལ་ལན་དྲང་པོ་ཞིག་རྙེད་ཀྱི་རེད། གལ་སྲིད་སྐྱེ་བོ་གང་ཞིག་གིས་རང་ཉིད་དང་གཞན་དབར་གྱི་འབྲེལ་བའི་རྙོག་དྲ་དེ་ལེགས་པར་ཤེས་ཐུབ་པ་ཡིན་ན་དེས་གཅིག་བྱས་ན་ང་ཚོས་སྤྱི་ཚོགས་དང་འབྲེལ་བའི་རྙོག་ཁྲ་དེ་ཤེས་ཐུབ་པ་མ་ཟད་སེལ་ཡང་ཐུབ། སྤྱི་ཚོགས་ཀྱི་ཆེད་དུ་ང་ཚོས་རྒྱ་སྐྱེད་ཀྱང་བྱེད་ཐུབ།  ཁོར་ཡུག་ཟེར་བའི་ང་ཚོའི་སྤྱི་ཚོགས་དེ་འདས་པའི་མི་རབས་རྣམས་ཀྱིས་བཟོས་པ་མ་ཟད་ང་ཚོས་ཁས་ལེན་ཀྱང་བྱེད་ཀྱི་ཡོད།      དེས་ང་ཚོའི་འདོད་རྔམ་དང་གཅེས་འཛིན་གྱི་འཕྲུལ་སྣང་སོགས་རྒྱུན་སྐྱོང་བྱེད་པར་ཕན་གྲོགས་བྱེད། འཕྲུལ་སྣང་འདིའི་ནང་དུ་ཆིག་སྒྲིལ་ལམ་ཞི་བདེ་ཡོང་གི་མེད། དཔལ་འབྱོར་ཙམ་གྱིས་བསྐྲུན་པའི་ཆིག་སྒྲིལ་ལ་བརྟེན་ནས་བཙན་ཤེད་དང་དམག་འཁྲུག་སོགས་འགོག་མི་ཐུབ་པ་དེ་སྲིད་དུ་ང་ཚོ་སྒེར་གྱི་འབྲེལ་བ་ཤེས་རྟོགས་མི་ཐུབ་པ་མ་ཟད་ང་ཚོ་ཞི་བདེ་ཅན་གྱི་སྤྱི་ཚོགས་ཤིག་ཏུ་ཡང་གནས་མི་ཐུབ། དེར་བརྟེན་ང་ཚོའི་འབྲེལ་བ་དེ་གཅེས་འཛིན་གྱི་བརྩེ་གདུང་དུ་གཞི་བཞག་ནས་ཡོད།   ང་ཚོས་རང་གི་འབྱུང་ཁུངས་དང་དེའི་རྒྱུ་རྐྱེན་བྱ་སྤྱོད་སོགས་ངེས་པར་དུ་ཤེས་རྟོགས་ཐུབ་པ་བྱེད་དགོས། གཅེས་འཛིན་ལས་བརྒྱུད་པའི་འཚེ་བ་དང་འཇིགས་སྣང་ཕར་རྒོལ་སོགས་ལ་གཏིང་ཟབ་ཤེས་རྟོགས་ཐུབ་ན་དེའི་འབྲེལ་བའི་གོ་དོན་ཆ་ཚང་ཞིག་ཤེས་རྟོགས་བྱེད་ཐུབ།     དེ་འདྲའི་གོ་རྟོགས་གཅིག་པུ་དེ་ལས་གཞན་བརྟེན་དང་གཅེས་འཛིན་གྱི་བསམ་བློ་དེ་བསེལ་ཐུབ་ཀྱི་ཡོད་ལ་ཁོར་ཡུག་དང་དེ་མིན་གཞན་མ་ཡིན་པར་འབྲེལ་བའི་ནང་དུ་སོ་སོ་རང་ཉིད་ཀྱི་མཐུན་ལམ་གྱི་རྨང་གཞི་དེ་ཡང་འཛུགས་ཐུབ།
འབྲེལ་བའི་ནང་དུ་མི་མཐུན་པའི་རྒྱུ་རྐྱེན་གཙོ་བོ་ནི་སོ་སོ་རང་ཉིད་རེད། སོ་སོ་རང་ཉིད་ལ་ལྷག་པར་གཙིགས་སུ་འཛིན་པ་དེ་གལ་སྲིད་ང་ཚོས་གཞན་གྱི་བྱ་སྤྱོད་ཙམ་མ་ཡིན་པར་རང་ཉིད་ལ་གཅེས་པར་འཛིན་པ་ཡང་རག་ལས་པ་ཤེས་ཐུབ་པ་བྱ་རྒྱུ་ནི་ཧ་ཅང་གི་གལ་ཆེན་པོ་ཆགས་ཡོད། ཡིན་ཡང་སྐྱེ་བོ་གང་ཞིག་གི་བྱ་སྤྱོད་དང་རྣམ་འགྱུར་དེ་ཡ་ལན་དང་བྱ་སྤྱོད་ཀྱི་གཞི་རྩ་ཡིན་པ་གཏིང་ཚུགས་པ་ཞིག་རྟོགས་ཐུབ་ན། དེས་འབྲེལ་བའི་མྱོང་ཚོར་གཏིང་ཟབ་ཏུ་འགྱུར་བ་མ་ཟད་གཅེས་འཛིན་ལ་ཡང་འགྱུར་བ་ཆ་ཚང་ཞིག་འགྲོ་གི་རེད། འབྲེལ་བ་དེའི་ནང་དུ་གཞན་དང་དེའི་དངོས་ཡོད་ཀྱི་རྙོག་གྲ་གཅིག་པུར་མིན་པར་དེའི་བསམ་བློ་དང་ཚོར་བའི་སྟེང་དུ་ཡང་ཆ་སྙོམས་སུ་ཡོད། གང་ཞིག་གཞན་དག་དང་མཉམ་དུ་མཐུན་པོ་བྱེད་ཐུབ་ན་རང་ཉིད་ཀྱི་མཐུན་ལམ་དེ་ག་དུས་ཡིན་ཡང་གཞན་དང་ཁ་བྲལ་ཐབས་མེད་པ་ཞིག་རེད།  ཡིན་ཡང་འབྲེལ་བའི་ནང་དུ་གལ་ཆེ་ཤོས་ཅིག་ནི་གཞན་ཙམ་མ་ཡིན་པར་རང་ཉིད་ལ་ཡང་རགས་ལས་པ་སེམས་ལ་འཇོག་དགོས་པ་དེ་ཡིན། དེ་ནི་རང་ཉིད་ལོགས་སུ་དབྱེ་བའི་དོན་མ་ཡིན་པར་འགལ་ཟླ་དང་སྡུག་བསྔལ་གྱི་རྒྱུ་རྐྱེན་གཏིང་ནས་ཤེས་རྟོགས་བྱེད་དགོས་པ་དེ་ཡིན།   ང་ཚོ་གཞན་ལ་བརྟེན་པ་དེ་སྲིད་དུ་ང་ཚོའི་སེམས་ཁམས་ཀྱི་བདེ་སྐྱིད་དང་རེག་ཚོར་རམ་སེམས་ཚོར་དེ་འཇིགས་སྣང་གི་དབང་གིས་བསྐྱེད་ཅིང་དེ་ལས་སྡུག་བསྔལ་འབྱུང་བར་ངེས།
ཤེས་རྟོགས་དཀའ་བའི་འབྲེལ་བ་དེའི་ནང་ངེས་པར་དུ་དཔྱོད་ལྡན་དང་བཟོད་སྲན་དྲང་བདེན་བཅས་བྱེད་དགོས།   རང་ཉིད་གསལ་སྟོན་བྱེད་པའི་འབྲེལ་བའི་བརྒྱུད་རིམ་དེའི་ནང་སྡུག་བསྔལ་གྱི་བྱུང་རྐྱེན་སྤས་སྐུང་བྱས་པ་གསར་རྙེད་ཡོང་གིན་ཡོད་ལ།  འདི་རང་ཉིད་གསལ་སྟོན་བྱེད་པ་གཅིག་པུའི་ནང་དུ་འབྱུང་སྲིད་པ་ཞིག་རེད།   ངས་འབྲེལ་བའི་སྐོར་ལ་སླར་ཡང་ནན་ཏན་བྱས་ཏེ་ཤོད་ཀྱི་ཡིན་གང་ཡིན་ཟེར་ན་འབྲེལ་བ་ཡག་པོ་ཞིག་ཤེས་རྒྱུ་འདི་རྙོག་འཛིངས་ཆེན་པོ་ཞིག་རེད། ཡིན་ཡང་ང་ཚོས་གོ་དོན་རྟོགས་ཐུབ་པ་མ་ཟད་དེ་འདྲའི་གོ་དོན་དེ་རྒྱུ་མཚན་ལྟར་སྣང་དང་སེམས་ཚོར་ལས་འདས་པ་ཞིག་རེད། གལ་སྲིད་ང་ཚོའི་གོ་དོན་དེ་རྒྱུ་མཚན་ལྟར་སྣང་ཙམ་ལ་གཞི་བཞག་ན་དེའི་རྗེས་སུ་དེར་གྲོགས་མེད་ཁེར་རྐྱང་དང་ང་རྒྱལ། བརྩེ་གདུང་གི་མ་འདང་བ་དང་།  གལ་སྲིད་ང་ཚོའི་གོ་རྟོགས་ཏེ་སེམས་ཚོར་ཙམ་ལ་གཞི་བཞག་ན་དེའི་རྗེས་སུ་དེར་ཤེས་ཡོན་གྱི་རིན་ཐང་མེད་པ་མ་ཟད་འདུ་ཤེས་ཅིག་པུ་དེ་ཡང་གང་མགྱོགས་ཡལ་བ་དང་བརྩེ་གདུང་མེད་པར་འགྱུར་འགྲོ་གིན་ཡོད། འབྲེལ་བའི་གོ་རྟོགས་ཅིག་པུ་དེ་ལས་བྱ་བ་ཡོངས་སུ་སྒྲུབ་ཐུབ་ལ་དེ་འདྲའི་གོ་རྟོགས་དེ་ལ་གདུང་སེམས་མེད་པ་དང་གཏོར་སྐྱོན་གཏོང་མི་ཐུབ་ལ་དེ་ནི་དུས་ཚོད་ལ་མི་ལྟོས་པ་ཞིག་རེད།  གལ་སྲིད་ང་ཚོའི་འབྲེལ་བ་དང་ཉིན་རེའི་འདོད་རྔམས་ཀྱི་རྙོག་ཁྲ་དེ་གཉིས་ཀྱི་གོ་རྟོགས་མི་ཤེས་པ་ཡིན་ན།   གཞན་གྱི་བརྩེ་བའི་སེམས་ཁམས་ལ་འཚོལ་ཞིབ་བྱེད་པའི་གོ་རྟོགས་ཏེ་མ་རིག་པ་དང་འཕྲུལ་སྣང་ནང་དུ་གནས་ཡོད།
འདོད་རྔམ་གྱི་གོ་རྟོགས་དེའི་རྒྱུད་རིམ་ཆ་ཚང་ཞིག་ཧ་མི་གོ་བར་བཀའ་དྲིན་བསམ་ཤེས་དང་གཏོང་ཕོད་ཙམ་གྱི་རྨོངས་དད་དང་གདུབ་རྩུབ་ནམ་ཡང་འདའ་མི་ཐུབ་པར་མུ་མཐུད་ནས་གནས་པར་ངེས།  གཅེས་འཛིན་གྱི་འབྲེལ་བའི་གོ་རྟོགས་ཆ་ཚང་ཞིག་མ་རྟོགས་པར་སྙིང་རྗེའི་སེམས་དང་བཟོད་བསྲན་ཙམ་སྐྱེད་པ་ནི་རང་ཉིད་ལོགས་སུ་དབྱེ་བ་དང་ཕྲ་བའི་ང་རྒྱལ་རྒྱ་སྐྱེད་པའི་འབྱུང་གནས་ཤིག་རེད།  འདོད་སེམས་ཀྱི་གནས་སྟངས་ཏེ་ལེགས་པོ་ཞིག་ཤེས་རྟོགས་ཐུབ་ན།  དེའི་ནང་ནས་སྲེད་ཞེན་དང་རྙིང་རྗེ་སོགས་འབྱུང་སྲིད་པ་ཞིག་རེད།  རང་ཉིད་གཙིགས་སུ་འཛིན་པའི་གཏོང་སེམས་དེ་ནི་དགེ་བ་ཞིག་མིན་ལ།  དེ་འདྲའི་གོ་རྟོགས་འདི་ལ་རྒྱུན་ཆད་མེད་པར་སྤྱང་གྲུང་དང་དོ་སྣང་ཧྲུར་བརྩོན་བཅས་ངེས་པར་དུ་དགོས་གལ་ཆེ། དེ་ནི་ཤེས་སླ་བ་ཞིག་རེད། སྟངས་འཛིན་ཙམ་དང་མི་མཐུན་པའི་བློ་སྦྱོང་དེ་ནི་ཉེན་ཁ་ཆེ་བ་མ་ཟད་ཕྱོགས་ལྷུང་དང་ཆ་མ་ཚང་བ་ལྟ་བུ་ཞིག་ཀྱང་རེད། དེར་བརྟེན་ཤེས་རྒྱ་ཆུང་ཆུང་འདི་ཡིས་སོ་སོ་རང་ཉིད་ལ་ཁེ་ཕན་འཁྱེར་ཡོང་བ་མ་ཟད་རང་ཤུགས་ཀྱི་བསམ་གཏན་ནང་དུ་བློ་གྲོས་གང་ཞིག་བཞད་ཐུབ་ཀྱི་ཡོད།  ཉིན་རེའི་འཚོ་བའི་ནང་རྣམ་འགྱུར་དང་ལས། དོགས་དྲི། རྟོག་ཞིབ་བཅས་ལས་དབྱིངས་དེ་སྐྱེས་ཀྱི་ཡོད། རྙོག་ག་ཁྲ་སྣ་ཚོགས་ཀྱིས་བཅིང་པའི་མི་ཚེའི་ནང་འཁྲུག་རྩོད་དང་སྡུག་བསྔལ་མཉམ་དུ་ངེས་པར་འབྲེལ་བའི་གོ་རྟོགས་ཆ་ཚང་ཞིག་ཤེས་རྒྱུ་ནི་མེད་དུ་མི་རུང་བ་ཞིག་རེད། ང་ཚོས་འདོད་རྔམ་གྱི་རྒྱུད་རིམ་གཅིག་པུ་དེ་ནས་གཏིང་ཟབ་ཞིག་ཤེས་ཐུབ་ན་དེས་འབྲེལ་བའི་གོ་རྟོགས་ཤེས་ཐུབ་ཀྱིན་ཡོད་ལ་དེ་ནི་ང་ཚོའི་མི་ཚེའི་ནང་གི་སྟོབས་ཤུགས་ཤིག་ཀྱང་རེད།
དྲི་བ།   རང་ཉིད་གསལ་སྟོན་བྱེད་པའི་གཏམ་བཤད་ནང་ཁྱེད་ཀྱི་བྱས་ན་སོ་སོ་རང་གི་ཤེས་པར་བྱས་ནས་གསལ་པོ་བཟོ་དགོས་རེད་དམ་ཡང་ན་གཞན་ལ་བརྟེན་ནས་གསལ་པོ་བཟོ་དགོས་རེད་དམ།
ཁི་རི་ཤི་ན་མུར་ཏི།   མི་ཞིག་གིས་རང་ཉིད་སྐོར་གཞན་ལ་ཡང་སེ་བཤད་ཀྱི་མ་རེད། ཡིན་ཡང་སོ་སོ་རང་ཉིད་གང་མཐོང་བ་འམ་རང་ཉིད་གསལ་སྟོན་ནས་གཞན་གསལ་སྟོན་བྱེད་པ་གང་ཞིག་གལ་ཆེ་གི་རེད། གལ་སྲིད་ང་ཚོས་ཐུབ་ན་ངས་དེའི་སྐོར་གསལ་བཤད་བྱ་རྒྱུར་འབད་བརྩོན་བྱེད་ཀྱི་ཡིན། འབྲེལ་བ་ཚང་མ་མེ་ལོང་གི་ནང་དུ་གཟུགས་པོ་གུག་གུག་དང་འདྲོང་པོ་གསལ་པོར་མཐོང་བ་ནང་བཞིན་རེད། འདི་དམིགས་པ་རྣོ་ངར་ཅན་དུ་མཐོང་བ་ལ་དགོས་མཁོ་སྤྲོད་ཀྱིན་ཡོད། ངས་གོང་དུ་གསལ་བཤད་བྱས་པ་ནང་བཞིན་རེད། གལ་སྲིད་ང་ཚོ་ཕྱོགས་ལྷུང་གི་ལོང་བ་ཞིག་ཡིན་ན་བསམ་ཚུལ་དང་ཡིད་ཆེས་ཐོབ་ཀྱི་མེད། གང་ལྟར་ཡང་བཟོད་དཀའ་བའི་འབྲེལ་བ་དེ་ཕྱོགས་རེས་མེད་པ་ཞིག་ཡིན་པ་གསལ་པོ་ཤེས་ཐུབ་ཀྱིན་ཡོད། དེ་འདྲ་སོང་ཙང་འབྲེལ་བ་དེ་རང་ཉིད་གསལ་སྟོན་བྱེད་པའི་བརྒྱུད་རིམ་ཞིག་མ་རེད།   ང་ཚོའི་གཞི་རྩའི་གལ་གནད་གཙོ་བོ་ནི། དོན་དངོས་པོའི་གནད་ལུགས་མཐོང་བ་ལ་བཀག་འགོག་བྱེད་མཁན་དེ་གང་ཞིག་ཡིན་མིན་ལྟ་རྒྱུ་དེ་རེད། ང་ཚོའི་བསམ་ཚུལ་དང། ང་ཚོའི་སྐོར། ང་ཚོའི་འཇིགས་སྣང་། ཕུགས་བསམ། ཡིད་ཆེས། ལུགས་སྲོལ་བཅས་ང་ཚོས་ཤེས་མི་ཐུབ། གང་ཡིན་ཟེར་ན་དེ་དག་གི་བྱེད་ལས་ཚང་མ་བཀབ་གཞག་ཡོད། འབྲེལ་བའི་འཁྱོག་བཤད་ཀྱི་རྒྱུ་རྐྱེན་དེ་དག་ཧ་མི་གོར་བར་ང་ཚོས་སོ་སོའི་ལྟ་ཚུལ་འཛིན་པ་འམ་རྗེས་འགྱུར་བྱེད་ཐབས་བྱེད་པ་དེས་ཕར་རྒོལ་དང་སྡུག་བསྔལ་ཇེ་མང་བཟོ་གིན་ཡོད། ང་ཚོའི་གལ་གནད་གཙོ་བོ་དེ་སོ་སོའི་ལྟ་ཚུལ་མི་བརྗེད་པ་འམ་ལྟ་ཚུལ་གང་ཡིན་ཁས་ལེན་བྱེད་དགོས་ལ་དེས་འཁྱོག་བཤད་སྐོར་གྱི་རྒྱུ་རྐྱེན་མང་པོ་ཞིག་ཤེས་རྟོགས་ཡོང་གི་ཡོད།  མི་ཁ་ཤས་ཀྱིས་བརྗོད་གསལ་ལ་ཁོང་ཚོ་ལས་ཀའི་བྲེལ་ཟིང་ཆེ་བས་འབྲེལ་བའི་སྐོར་ལ་ཤེས་རྟོགས་བྱ་རྒྱུའི་དུས་ཚོད་མེད་ཟེར་གྱིན་ཡོད་ཀྱང་དེ་ནི་དུས་ཚོད་ཡོད་མེད་ཀྱི་གནད་དོན་མ་ཡིན་པར་དེ་ལ་དགའ་མོས་ཡོད་མེད་ལ་རག་ལས་ཡོད། གང་ལྟར་ལས་ཀའི་བྲེལ་ཟིང་ག་ཚོད་ཆེ་ཡང་འབྲེལ་བའི་སྐོར་ལ་དགའ་མོས་ཡོད་ན་དེ་ནས་འབྲེལ་བ་ཤེས་འགོ་ཚུགས་ཀྱིན་ཡོད། གང་མགྱོགས་རྙེད་ཐབས་བྱེད་པའི་མཇུག་འབྲས་ནི་འབྲེལ་བའི་སྐོར་ཆ་ཚང་ཞིག་ཤེས་རྒྱུར་གཏོར་བརྒོལ་འབྱུང་སྲིད་པ་ཞིག་རེད།         
ཐོག་མ།སྔ་མ།123རྗེས་མ།མཐའ་མ།
ཤོག་ངོས་རྗེས་མ་དག་ཀློགས།